Биеийнхээ галбирыг сайхан харагдуулахын тулд корсет хэрэглэх нь зөв үү?

Twitter Print
2019 оны 06-р сар 18-нд 14:07 цагт
Мэдээний зураг,

Яасан сайхан бэлхүүстэй туранхай бүсгүй вэ гэж хэлэгдэхийн тулд ямар ч хамаагүй аргаар гэдэснийхээ өөхийг шахаж, нухаж, нууж, гэмтээж байгаа юм биш биз?

Өнөөдөр та бүхэнд ялангуяа охид бүсгүйчүүддээ КОРСЕТ буюу гэдэс цээжний даруулганы хорт нөлөө таны биед хэрхэн нөлөөлдөг талаар багахан мэдээллийг бэлтгэлээ.

Корсет даруулга нь анх 11-р зууны үеэс үүссэн ба тухайн үеийн ард иргэд хүйсний ялгаагүй хэргэлдэг байсан гэх мэдээлэл хүртэл байдаг. Харин орчин үеийн анагаах ухааны тусламжтай судалгаа шинжилгээ хийсний үндсэнд корсет даруулга нь хүний биед маш олон өөрчлөлт өгч байгааг тогтоосон ба Үүнд:

1. Энэхүү даруулга нь таны цээж болон өрцийг шахсанаар амьсгалаар авах хүчил төрөгчийн хэмжээг багасгаж улмаар тархи болон бусад эрхтний хүчилтөрөгчийн хангамжийг бууруулснаар толгой эргэх, дотор муухайрах, толгой өвдөх, ой ухаан муудах шинж тэмдэг илэрнэ. Энэ байдал нь удаан үргэлжилбэл эд эрхтэний эргэшгүй хүнд өөрчлөлтийг дуудаж болно.

2. Ходоодонд шахалт өгснөөр ходоодны хүчлийг ходоодноос чөлөөлж улаан хоолойг түлэх /Сөөргөө/ шалтгаан болдог. Энэ үед таны цээжээр гашуу оргих, хорсох шинж тэмдэг өгч цаашилбал ходоодны хавдар болгох аюултай.

3. Гэдэсний булчингуудыг шахсанаар булчингуудын үйл ажиллагааг саатуулж улмаар хатингарал үүсгэн булчингийн хэлбэр бүтцийг алдагдуулдаг. Үндсэн бүтцээ алдсан хэвлийн булчин хэвийн ажиллахгүйн улмаас бусад булчингууд яснууд илүү ачаалал авсанаар булчин ясны эвдрэл гэмтэлд хүргэдэг.

4. Хавирганы яснуудыг шахаж даралт өгсөнөөр ясны бяцрал үүсэх шалтгаан болдог. Ялангуяа өсвөр насны охидын хавирганы ясанд гэмтэл учруулж байгаа нь олон судалгаагаар харагдаж байна.

5. Дотор эрхтэнүүдийн цусан хангамж шахагдаж муудаснаар захын судаснуудад ачаалал өгөх ба артерийн даралт ихсэх, ядрах, бүх биеийн булчин сулрах, нийгмийн болон амьдралын идэвх муутай болно.

Эдгээр хүндэрлүүдийг үүсгэх шидтэй тул та нас, биеийн жин болон өндөр, араг ясны бүтцийн онцлогтоо тааруулан зөөлөн материалтай корсет сонгож аль болох бага цагаар хэргэлснээр үүсэж болох хүндрэлээс сэргийлж чадна.

Нэмээд хэлхэд зөв хооллолт дасгал хөдөлгөөнийг системтэй хийснээр дотор эрхтэн эрүүлжих, эрч хүчтэй болох, биеийн галбир засарч илүүдэл жингээсээ салах боломжтой тул та эрүүл зөв турах аргыг сонгоорой. 

Эх сурвалж: "Номиун” яс үений төрөлжсөн эмнэлэг их эмч Б.Мөнхболд

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.