Хятадын CCTV сувгаар мэдээлснээр Хятадын эрх баригчид коронавирусын халдварт өртөх өндөр эрсдэлтэй хүмүүсийн шулуун гэдэснээс арчдас авч, коронавирусын халдвар авсан эсэхийг нь шалгаж эхэлжээ.
Шулуун гэдэснээс арчдас авахдаа тухайн иргэн үзүүрдээ хөвөн ороосон савхийг шулуун гэдэс рүүгээ 3-5 см гүн хийж, 4-5 удаа савхаа дотор нь эргүүлэх ёстой аж. Эрх баригчдын гаргасан видео зөвлөмжид шудуун гэдэснээс арчдас авах үйл явц нь 10 секунд орчим үргэлжлэх гэнэ. Өнгөрсөн 7 хоногт Бээжингийн нэгэн их сургуулийн дотуур байранд коронавирусын халдварын шинж тэмдэггүй тохиолдол бүртгэгдсэнтэй холбоотойгоор тус их сургуулийн багш, оюутнууд нийлсэн 1000 гаруй хүн хамар хоолойн арчдасаас гадна шулуун гэдэсний арчдасын шинжилгээ өгсөн байна.
Хятадын эрдэмтдийн өнгөрсөн 8-р сард хийсэн судалгаанд коронавирусын халдварын эсрэг эмчилгээ хийлгэж, эдгэх явцдаа байсан өвчтнүүдийн хамар хоолойн арчдасаас коронавирус илрээгүй ч шулуун гэдэсний арчдаснаас нь коронавирус илэрч байсан тухай онцолсон байжээ.
Эх сурвалж: 9gag.com
Содномцэрэнгийн Энхзаяа
mongolcom.mn
Энэ мэдээ танд таалагдаж байвал LIKE хийгээрэй. Танд баярлалаа.
