Барилга дээрээс бас л төмөр уналаа

Twitter Print
2014 оны 04-р сар 01-нд 13:45 цагт
Мэдээний зураг,

Барилгын компаниудын хэл ам хэзээ тасрах вэ гэж иргэд хотын даргаас байнга асуудаг. 2012 оны есдүгээр сард “Тэнгис” кино театрын урд баригдаж буй барилга дээрээс тулгуур төмөр унаж 18 настай залуу амиа алдсан. Саяхан даа, Макс компанийн барилга дээрээс төмөр унаж, гэрэл солигдохыг хүлээн машиндаа сууж байсан бас л нэгэн сайхан залуугийн амийг авч одсон. Тэр цагаас хойш иргэд байнгын айдастай явах боллоо. Зөвшөөрөлтэй үгүй нь мэдэгдэхгүй олон барилгууд чанаргүй баригдаж, Хятад ажилчид ажиллуулдаг гээд дандаа хэл аманд өртөнө. Мөн аюулгүй ажиллагааг сайн хангаагүйн улмаас хүний амь, эд хөрөнгө сүйдэж нийгэмд аюул учруулж байна. Ядаж байхад машин болон явган хүний зам руу яг тулгаж байгаад, яг толгой дээр барилгын ажлаа хийх юм. Аймшигтай.

Өнөөдөр бас барилгын аюулгүй ажиллагааг хангаагүйн улмаас хөнгөн цагаан хавтан автомашин дээр унасан хэрэг гарлаа. Тодруулбал Сүхбаатар дүүргийн нэгдүгээр хороо, ЭМЯ-ны баруун талд баригдаж буй “Аюут” ХХК-ийн 16 давхар барилга дээрээс 3 метр урттай хөнгөн цагаан төмөр иргэн Т-гийн “Toyota pruis” маркийн автомашин дээр унажээ. Аз болж хүний амь нас эрсдээгүй юм байна. Харин хохирогч гомдолтой байгаа учир цагдаагийн байгууллагад ханджээ. Одоо хэргийг Сүхбаатар дүүргийн цагдаагийн нэгдүгээр хэлтэс дээр шалгаж байна.

Явган хүний зам дээр, яг толгой дээр чинь баригдаад байгаа барилгын асуудлыг зохицуулах ямар хууль дүрэм байна, хотын дарга аа? Хэдэн хүний амь насаар барилгын компаниуд тахил өргөх вэ?

М. Золбаатар

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.