Ч.Сайханбилэгийг яллагдагчаар татах саналыг Нийслэлийн прокурорт хүргүүллээ

Twitter Print
2019 оны 05-р сар 17-нд 16:24 цагт
Мэдээний зураг,

Улсын ерөнхий прокурорын тушаалаар байгуулагдсан ажлын хэсэг анхаарал татсан хэргүүдийг хянаж дуусчээ. Хэргүүдийг хянаж, мөрдөн шалгах ажиллагааны үр дүнд дүгнэлт хийх, цаашид хэрэг хянан шийдвэрлэхэд шаардлагатай арга хэмжээг тодорхойлох үүрэг бүхий ажлын хэсэг өнгөрсөн нэг сарын хугацаанд олон зуун үйлдэл бүхий ээдрээтэй хэргүүдийг хянасан бөгөөд тэдгээр хэргийн заримаас ойрын хугацаанд шүүхэд шилжүүлэхээр болсон байна. 

Уг хянагдсан хэргүүдийн дунд “Эрдэнэт” үйлдвэрийн 49 хувийг ОХУ-аас шилжүүлэн авсан “Монголын зэс” корпораци, Худалдаа хөгжлийн банкны удирлагад хамаарах хэрэг багтсан ба хэрэгтэй танилцаад, Ерөнхий сайд асан Ч.Сайханбилэгийг яллагдагчаар татах саналыг үндэслэлтэй гэж үзжээ. Улмаар Ерөнхий сайд асан Ч.Сайханбилэгийг яллагдагчаар татах саналыг Нийслэлийн прокурорын газарт хүргүүлсэн байна. 

Түүнчлэн прокурорын байгууллагаас мөрдөн байцаалтын ажиллагаа дутуу байгаа хэргүүдийг шуурхай шийдвэрлэхэд чиглэсэн даалгавар, чиглэлүүдийг холбогдох байгууллагуудад өгчээ.

Э.Гүнтөмөр

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.