Four consecutive LAN victories and eight trophies overall in 2021 puts NAVI among the top teams in CS:GO2-ийн түүхэнд 2021 онд завсаргүй 4 удаа LAN ялалт авчирч, 8 цомын эзэн болсноор NAVI топ багуудын эгнээнд орж ирлээ. S1MPLE-тэй энэ талаар ярилцлаа.
-ЯМАР ГАЙХАЛТАЙ АМЖИЛТААР ОНЫГ ҮДЭЖ БАЙНА АА? БАГААРАА НАЙМАН ЦОМ, ХУВЬ ТОГЛОГЧИЙНХОО ХУВЬД НАЙМАН MVP БОЛЛОО?
Энэ жил багаараа найман цом авсан гэж үү? Гайхалтай!
-ТИЙМЭЭ, НАЙМАН ЦОМ, ТА БҮГДЭД НЬ MVP БАЙСАН!
(Инээв)
-ЭНЭ ОНЫГ ЭРГЭН ХАРХАД ЭНЭ ТАЛААР ЮУ ГЭЖ ХЭЛЭХ ВЭ ?
Зургаан хүний бүрэлдэхүүнтэй байх үед эхэндээ хэцүү байсан. Эцэст нь бид таван хүний бүрэлдэхүүнтэй болж, тэр үеэс бүх сайн сайхан зүйл болж эхэлсэн. Яг одоо байгаа газартаа хүрэхийн тулд маш их бэлтгэл хийсэн юм шүү. Сайхан санагдаж байна.
-НЭГ КАЛЕНДАРИЙН ЖИЛД НАЙМАН MVP ХҮРТЛЭЭ. ӨМНӨХ АМЖИЛТ ДОЛООН УДАА БАЙСАН. ЭНЭ РЕКОРДЫГ ЭВДЭХЭД ТАНД ЯМАР САНАГДАЖ БАЙСАН БЭ?
Тэмцээний өмнө би энд хожвол рекордыг эвдэнэ гэдгийг мэдэж байсан. Гэхдээ бид тэмцээнийг муу эхлүүлсэн тул энэ бодлоо тархиныхаа авдарт хийсэн. Яагаад бид Major болон сүүлийн BLAST-т тийм ч сайн тоглоогүй юм бол гэж би гайхаж байлаа. Хамгийн эхний бодох зүйл бол тоглолтоо эргүүлэн олох байсан. Энэ нь ч зөв байж үр дүнд хүрсэн. Би зүгээр л хувийн тоглолтдоо анхаарлаа хандуулсан, бүх зүйл сайхан байна.
-НЭЭЛТИЙН ТОГЛОЛТЫГ LIQUID-ИЙН ЭСРЭГ ХИЙЖ ЯЛАГДСАН ТЭР ТОГЛОЛТЫН ДАРАА ТАНАЙ БАГ МАШ ХҮЧТЭЙ БОЛЖ ЭХЭЛСЭН. ЭНЭ ОНЫ ТАНЫ ОРОЛЦСОН АНХНЫ ТЭМЦЭЭН БОЛОХ BLAST GLOBAL FINAL-ТАЙ МАШ ТӨСТЭЙ НӨХЦӨЛ БАЙДАЛД ОРЖ ЭНЭХҮҮ BLAST PREMIER: WORLD FINAL 2021 ТЭМЦЭЭНД ТҮРҮҮЛЛЭЭ. ЭНЭ УДААД ЯМАР БАЙСАН БЭ?
Илүү хэцүү байсан. Энэ бол бидний хувьд хамгийн хэцүү тэмцээн байсан гэж бодож байна. Таны хэлснээр бид нэг тоглолтод хожигдож доод хэсэг рүү унаж хожигдох л юм бол гэртээ харих хэцүү нөхцөлд байсан. Бид өмнөх шигээ ажиллаж эхэлсэн. Тоглолтын дараа бид 3-5 цагийг өнгөрөөж, бэлтгэл сургуулилтгүй байсан ч өөр хоорондоо юу засах хэрэгтэй талаар ярилцаж, хожигдсоныхоо дараа маш олон алдаа олсон учраас бид илүү хурдан ахиж эхэлсэн. Магадгүй Liquid биднийг ялж сул талыг маань харуулсан учраас энэ цомыг авахад тусалсан байх. Ялангуяа өнөөдрийн тоглолтыг хувь заяаг шийдсэн Inferno дээр.
-ӨНӨӨДРИЙН ТОГЛОЛТЫН ТАЛААР ЯРИХАД MIRAGE ДЭЭР ТОГЛОЛТ ЭХЭЛСЭН. MAP ДЭЭР ЯЛАЛТ БАЙГУУЛСАН БАГ НЬ ҮНЭНДЭЭ GAMBIT БАЙХ ШИГ БОЛСОН. ТА ТЭДНЭЭС ИЙМ СОНГОЛТ ХҮЛЭЭЖ БАЙВ УУ?
Үгүй ээ, бид Overpass-ийг хүлээж байлаа. Бид Vitality-ээс Overpass-ийг сонгох байх гэж хүлээж байсан шүү. Бидэнд яг одоо хамгийн сул map тэр байх гэж бодож байсан юм. Тэднийг яагаад энэ map-ийг сонгоогүй талаар сайн мэдэхгүй байна. Багууд үүнийг мэдэж байх ёстой, бид Т (Terrorist) тал дээр асуудалтай байсан ч тэд бидэнд дүн шинжилгээ хийгээгүй юм шиг байна. Бид Ancient-г хүлээж байгаагүй бөгөөд үүнийг бэлдээгүй ч бид үнэхээр сайн тоглолтын төлөвлөгөөтэй байсан бөгөөд сүүлийн BLAST болон Major-аас өмнө үнэхээр сайн тохируулгатай байсан тул хэн нэгэн үүнийг сонговол тоглоход бэлэн байсан.
-ИНФЕРНО ДЭЭР ТОГЛОХОД, ТА BANANA-Д ЗАРИМ АСУУДАЛТАЙ ТУЛГАРСАН ШҮҮ ДЭЭ. ГЭХДЭЭ ТЭМЦЭЭН АХИХ ТУСАМ ИЛҮҮ САЙЖИРЧ БАЙСАН MAP БАЙСАН. ТА ЭНЭ АСУУДЛАА ХЭРХЭН ШИЙДСЭН БЭ?
Дээр хэлсэнчлэн бид бүхэл бүтэн багаараа олон цаг зарцуулсан, юуны өмнө бид T тал дээр хэрхэн тоглох талаар ярилцсан. CT (Counter Strike) тал дээр энэ нь Банана дээр шинэ төлөвлөгөө гаргах, зарим шинэ өөрчлөлтыг хийж чадсан. Учир нь Инферно дээр Banana-г эзэлж чадсан баг хождог нь 100% үнэн.
-ТА ЭНЭ ЖИЛ ГАНЦААРАА БОЛОН БАГААРАА МАШ ИХ ЯЛАЛТ БАЙГУУЛСАН. ШИНЭ ОН ГАРЛАА, ЭНЭ НЬ ТАНД ИЛҮҮ ИХ УРАМ ЗОРИГ ӨГӨХ ЗҮЙЛ МӨН ҮҮ? 2022 ОНД ЭНЭ ИХ ХҮСЭЛ ТЭМҮҮЛЛЭЭ ХЭРХЭН ХАДГАЛАХ ВЭ?
Бид жаахан амрахыг хүсч байгаа бөгөөд би болон манай баг ижил үр дүнг давтахыг эсвэл бүр илүү сайн болохыг хүсч байгаа гэж бодож байна. Ирэх жил Мэжорт түрүүлнэ. Магадгүй хоёр ч удаа давтана даа. Бид зүгээр л дээгүүр үлдэхийг хүсч байна. Энэ бол бидний анхны зорилго, учир нь өмнө нь багууд биднийг дээрээс нь буулгахыг хүсч байсныг бид ойлгож байгаа ч ийм зүйл болохгүйн тулд маш их хичээж байгаа. Одоо багуудад маш их өөрчлөлт гарах тул ирэх жил сонирхолтой байх болно.
-БИД NAVI ЭРИНД БАЙНА УУ?
Яг одоо би тийм гэж хэлмээр байна. Бид дөрвөн LAN тэмцээнд дараалан, нийт найман тэмцээнд түрүүлсэн нь манай баг болон манай байгууллагын хувьд хамгийн сайхан жил байлаа. Бид үүнийг хийж чадсандаа маш их бахархаж байна, мөн NAVI-тай үүнийг хийж чадсандаа би өөрөөрөө бахархаж байна.
Эх сурвалж: hltv.org/
Дэлгэрмаагийн Баасанжаргал
mongolcom.mn
Энэ мэдээ танд таалагдаж байвал LIKE хийгээрэй. Танд баярлалаа.
