Орчноо үлгэр жишээ тохижуулсан байгууллага 15 саяар шагнуулна -

Twitter Print
2014 оны 03-р сар 28-нд 08:35 цагт
Мэдээний зураг,

Нийтийн үйлчилгээний Улаанбаатар нэгтгэлээс нийгмийн хариуцлагыг хэрэгжүүлэгч, шилдэг тохижилттой аж ахуйн нэгж, байгууллагыг шалгаруулах "Хот сайхан бол сэтгэл сайхан" уриатай “Хөгжлийн түлхэц - 2014” уралдааныг зарлажээ. Уралдааны зорилго нь аж ахуйн нэгжүүдийн идэвхтэй оролцоонд тулгуурлаж, хамтын хүчээр нийслэл хотоо цэвэр цэмцгэр байлгахад оршиж байгаа аж. Уралдаанд оролцох аж ахуйн нэгж байгууллагууд эзэмшил талбайдаа ногоон байгууламж байгуулж, арчилгаа, цэвэрлэгээ, усалгааг тогтмол хийж гүйцэтгэх, өвлийн улиралд хүн томилж цас, мөсийг тухай бүр арилган, хальтиргаа гулгаа үүсгэлгүйгээр иргэдийн тав тухтай амьдрах орчин нөхцлийг бүрдүүлж ажиллах ёстой. Уралдааны дүнг Нийтийн үйлчилгээний Улаанбаатар нэгтгэлийн удирдлага болон Дотоод хяналтын мэргэжилтнүүд, олон нийтийн санал асуулгад тулгуурлан энэ оны 12 дугаар сарын 15-ны өдөр дүгнэх юм байна. Уралдааны шагналын сан 30 сая төгрөг. Оролцохыг хүссэн аж ахуйн нэгжүүд онлайнаар болон НҮУН-ийн төв байранд ирж бүртгүүснээр уралдаанд оролцох боломтжой болох аж. Өнгөрсөн онд НИТХ-аас аж хауйн нэгж байгууллагууд өөрийн эзэмшлийн 50 м хүртэлх газарт ногоон байгууламж, тохижилт хийх, цас мөсөө цэвэрлэх захирамж гаргасан.Уг захирамжийг хэрэгжүүлэх үүднээс “Нийтийн үйлчилгээний Улаанбаатар нэгтгэл” ОНӨААТҮГ байгууллагуудад үүргээ гүйцэтгэх мэдэгдэл хүргэжээ. Энэ сарын 24-ний өдрөөс эхлэн дүүрэг бүрт 2 хүн томилж Аж ахуйн нэгж байгууллагуудын гадаад орчноо тохижуулж байгаа эсэхэд хяналт тавих гэнэ. Д.Монгол

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.