Биед ус дутагдах нь олон өвчний эх үүсвэр болдог

Twitter Print
2019 оны 02-р сар 20-нд 17:49 цагт
Мэдээний зураг,

Хүний биеийн 80 хувь нь уснаас тогтдог. Тиймээс цэвэр ус сайн уухын оронд нь цай, кофе, кола, ундаа, архи, пиво байнга уугаад байхаар шингэний дутагдалд ордог. Өөрөөр хэлбэл цай, кофе, ундаа бол биед чухам хэрэгцээтэй усыг нөхөж чаддаггүй, харин ч эдгээрээс биеэ цэвэрлэхийн тулд биед улам их ус хэрэгцээтэй болдог. Иймээс цусан дах усны хэмжээ багасч өтгөрч бохирддог. Яг л Туул гол, Сэлбэ гол лугаа адил ширгэх гэж байгаа юм шиг жижгэрсэн байдаг. Ийм цус биеийн бүх эд эсийн хэрэгцээг хангаж чаддаггүй тул бидний эсүүд гистамин гэдэг бодис ялгаруулдаг. Энэ өвдөлтийн импульс тархи луу илгээгдсэнийг тархи өвдлөө гэж ойлгодог. Өвдөлт бол биед цэвэр ус дутагдсаныг илэрхийлдэг дохио юм байна. Иймээс хүмүүсийн зүрх, толгой, хөл гар, булчингаар нь өвддөг. Гэтэл даанч өвдөлт намдаах эм уудаг. Эдгээр эмнүүд гистамины хүлээн авагч рецепторыг блоклодог. Ингээд хүмүүс цангасан байгаагаа мэдрэхгүйгээр дүлий чигээрээ хатаж үхдэг” гэж Надежда Семёновнагийн “Очистись от паразитов! Живи без паразитов!” номон дээр бичсэн байгааг толилуулж байна. 

Цус өтгөрхөөр эмч нар цус шингэлэх эм бичиж өгдөг ч энэ нь яваандаа улам их шингэний дутагдалд оруулдаг. Судсан дотрох цус нь бага байхад гаднаас нь судас өргөсгөх эм уулгадаг ч усыг нь нөхсөнөөр цусан хангамжийг сайжруулах аргыг манай анагаахад заадаггүй. 

Биед цэвэр ус дутагдсанаас болж үүсдэг өвчнүүдийн жагсаалт:

1. Цөсний чулуу: Хэрэв таны цөсөнд чулуу байгаа нь оношлогдсон л бол цаанаа элгэн дотроо хэдэн мянган жижиг чулуунууд бас байгаа гэсэн үг. Чулуужилт бол элгээр дайрах цусан дах ус багадсанаас элэг сайн угаагдаж чадахгүй удсанаас болж үүсдэг өвчин. 

2. Сахарны диабет: Нойр булчирхайгаар дайрах цусны ус багадсанаас түүнээс ялгарах гормонууд, тэр дундаа инсулин ялгаралт буурснаас чихрийн шижинтэй болдог. 

3. Зүрхний шигдээс: Зүрхний эд эсэд очих цусны хэмжээ багассанаас болж зүрхний эсүүд тэжээлээ бүрэн сайн авч чадахгүй удсанаас болж үүсдэг.

4. Цус харвалт: Тархины эд эсүүдийн цусан хангамжийн дутагдал буюу ус дутагдлын улмаас 

5. Бөөрний чулуу

6. Нуруу өвдөх: Ус дутагдсанаас нугалам хоорондын дискны шингэн ширгэж алга болдог. Нурууны өвчтэй хүмүүст йогийн дасгал хөдөлгөөн сайн зохидог шалтгаан нь хөдөлгөөний ачаар цусны эргэлт сайжирч шингэн нөхөлт арай ихэсдэг л гэсэн үг юм. Цаад утга нь шингэнээ сайн уугаад дасгал сайн хийгээд байхад л эрүүлждэг. Нурууны мэс засалд орох шаардлагатай гэсэн онош тавиулсан олон хүмүүс йогийн дасгал хийж эрүүлждэг. 

7. Шимэгч хорхойтой болох: Мэдээж цэвэр ус дутагдсанаас бие бохирддог. Паразит хорхойнуудын амьдрах таатай газар бол бохир заваан орчин юм гэнэ. 

Нээрээ л байгаль дээр амьтад усаар л ундаалж амьдардаг шүү дээ. Колагаар урсдаг горхи, кофегоор урсдаг гол, цайтай булаг, ундаатай шанд, ёроолдоо архи нэрдэг худаг, пивоор ордог бороо гэж байдаг билүү? Хэрэв биднийг ундаа, пивоны үйлдвэрт бүтээсэн бол ундаа, пивоо л сайн угаад байхад эрүүл байгаад байж болмоор. 

Ямар ус уувал биед тохиромжтой вэ?

Усан дах эрдэсийн хэмжээ 200 мг/л-ээс ихгүй байх ёстой гэнэ. Усыг эрдэсжүүлэх нь муу юм байна. Харин цахиуржуулж уувал рашаан болдог. Тиймээс гадуур зардаг минералжуулсан (эрдэсжүүлсэн), газжуулсан уснаас авч уух хэрэггүй. Зөвхөн цэвэршүүлсэн ус авч уух хэрэгтэй. Гэртээ усны шүүлтүүр авч тавих сайн. Оросын шүүлтүүрүүд хямд бөгөөд чанартай байдаг. Харин минералжуулдаг шүүлтүүрийг авах хэрэггүй, хэрэв танайд аль хэдийн байгаа бол эвдээд гаргаж хаях хэрэгтэй. Бас фторжуулдаг шүүлтүүр бол бүүр ч хэрэггүй. Фтортой ус, фтортой ооны хор холбогдлын талаар бичсэн миний өмнөх постыг олж уншаарай. 

Хоногт хэдий хэр ус уух хэрэгтэй вэ? 

Бөөрний үйл ажиллагаа хэвийн бол хоногт 2-3 литр уус уух хэрэгтэй болдог. Танд чухам хэдий хэр ус уух хэрэгтэйг тусгай томъёогоор бодож мэдэж болно. Үүний өмнө Зимницкийн сорил тавьж бөөрний үйл ажиллагааг оношлох хэрэгтэй. Энэ сорилыг та гэртээ ч хийж болно. Хэрхэн хийхийг миний фейсээр холбогдож лавлаж болно. 

Та бүхэн биед цэвэр ус ямар чухал шаардлагатай байдгийг одоо ойлголоо. Бидний үр удамд ч гэсэн эсэн мэнд амьдрахад нь ус хэрэгтэй. Гэтэл манай Туул гол, бусад ширгэж байгаа гол горхио харахад гол харлах юм. Орон сууцныхан усыг маш үрэлгэн хэрэглэдэг. Шүдээ угааж байхдаа усаа онгорхой орхиод бараг 10 л усаар шүдээ угаадаг. Ганц аягыг угаахад л 5 л ус гоожуулдаг. Гэр хороололд өссөн хүүхдүүд бол усыг барьж ирэхэд хүн яаж хүнд ачаа үүрдэг, худагт оочерлоход хэдий хэр хугацаа зарцуулдаг зовлонг мэдэх тул усаа гамнаж мэддэг. Харин ихэнх хүн үүнийг анзаардаггүй. Цэвэр усны хомсдол үүсч эхэлсэн байгаа шүү. БИДНИЙ ҮР ХҮҮХДЭД УС ҮЛДЭХ ҮҮ?

Дэлхий Загасын ордонд байхад хүмүүс усаар элбэг дэлбэг байлаа. Гэтэл 10 жилийн өмнөөс Дэлхий Бумбын орд руу шилжих шилжилтийн үе эхэлсэн. Энэ үеэс дэлхийн тэнхилэг илүү хурдан эргэдэг болж өдөр 24 цаг байхаа больж 16 цаг болсон. Та бүхэн үүнийг анзаарсан уу? Өдөр хурдан өнгөрөөд, олигтой юм амжуулж чадаагүй байхад орой болчихдог шүү дээ. Үүнтэй холбоотойгоор гадаргын ус доош шургаж эхэлсэн юм байна. Хаа сайгүй гол горхи ширгэж эхэлсэн. Энэ шилжилтийн үе 50 жил үргэлжлэх юм гэнэ. Энэ үед цэвэр ус ховордож бинзенээс ч үнэтэй болох цаг ирэх юм гэнэ. 

Хэдэн жилийн өмнөөс мод тарих аян эхэлсэн ч үүнийг ойлгосон хүмүүс ховор. Мод тарьдаг цөөн хүн байхад мод огтолдог хүмүүс маш олон. Миний нэг танил “Мод тарих” төсөл хэрэгжүүлдэг. Гэтэл хэдэн хүн ирж ажиллаад цалин авна, цалингаа голно, зарим нь багажаа хулгайлаад аваад явдаг. Бидний ихэнх нь ийм тэнэг мунхаг. 

Бумбын эринд хүмүүс тэсч үлдэхийн тулд бүгд нэгдээд мод тарих цаг ирнэ. Иймээс Бумбын ордны бэлэг тэмдэг бол мод усалж байгаа охин юм байна. 

Харин Бумбын ордны уриа бол “Эм биднийг алдаг, харин ус эрүүлжүүлдэг".

Д.Золзаяа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.