Хэрэггүй ээ, хүүхнүүд ээ...

Twitter Print
2019 оны 02-р сар 10-нд 12:03 цагт
Мэдээний зураг,

Монгол гэрийн хаяанд можийтол зогсож байгаад хэдэн үг хэлчих үү?

1. Эр нөхөр чинь гүзээгээ дааж ядан, халтар өмдтэй, хазгай захтай цамцтай аахилж явахад та хажууд нь өндөр өсгийт дээр донжигонож, брэндийн гэх шошготой цүнх худлаа савчаад хэрэггүй. Та ч бас арчаагүй харагдаж байна.

2. Хүүхэд чинь гэртээ утсаа маажаад, хийх ажил, хөгжих чиглэлгүй дөрвөн хананы дунд хориотой сууж байхад ээж та үсчинд өдрийг барж, маникюрт хямсаганаж суугаад яах юм. Сэтгэл зүрх чинь хов хоосон юм.

3. Гэрт чинь унших ном, учирлах ухаан байхгүй байхад та хувцасны дэлгүүрээр сэлгүүцэж, хуруундаа алт мөнгө зэрэгцүүлэн зүүгээд ч яалаа, үгүй ч яалаа. Муухай харагдаж байна.

4. Хүүхдүүдтэйгээ илэн далангүй ярилцан, асуудлыг нь ойлгож амжихгүй байж найз хүүхнүүдтэйгээ хов базаж, хор хутгаад яана.

5. Нөхөр чинь ажлын хүнд, ачааны ихийг үүрэн, өвдлөө гэж дуугарч амжихгүй, өлслөө гэж хэлж чадахгүй нэрэлхэж явахад бүсгүй та гоё зураг, ганган мөчүүдээр нүүр хуудсаа дүүргэж жүжиглэх хэрэггүй, зүгээр л бодит байдлаа хар, дүгнэ, хамтдаа зүтгэ.

6. Ханийнхаа халаасыг хоосолдогтойгоо адил зүрхийг нь дүүргэж чадаж байгаа юу?

7. Болзож буй залуугийнхаа нүд рүү нь харахгүй байж машинд нь сэтгэлээ өгөх хэрэггүй. Машин таныг хайрлахгүй, хүн л хайрлана.

8. Нөхрийнхөө эрүүл мэнд, залуу насаа үрэн байж олсон мөнгийг эрээн даашинз, ээмэг бөгжинд үрэхдээ ханиа хамтад нь задгай зоос шиг хайр найргүй үрж байгаагаа нэг удаа ч гэсэн бодсон уу?

9. Таны загвар хөөсөн гоё гутал, ганган үслэг эдлэлийн тоосонд гэр бүлийнхний чинь боловсрол дарагдаж хоцордогийг мэдэх үү?

10. Хүүхэд чинь шүдээ угааж мэдэхгүй, шүд нь хорхойтчихоод байхад та холливуд смайл хийлгээд яах юм. Тэртэй тэргүй та нар хамтдаа хэн нэгнийд зочлоход нүцгэн үнэн холливуд смайлаар нүүрэн дээрээс чинь таныг шоолон инээх болно.

11. За үлдсэнийг нь та үргэлжлүүлчих ээ...

Р.Эмүжин

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (59.153.112.129) 2019-02-10 13:00
      • 0
      • 0

      халтайсан хар юмнуудыг тахихаа больцгоо!!

      Хариулах

    • саран

      (59.153.112.129) 2019-02-10 12:59
      • 0
      • 0

      ганцхан эрчүүд ажиллаж ар гэрийг авч явдаг гэджг бол худлаа! хүүхнүүд эрчүүдийг хэт тахин шүтэж ѳѳхшүүлсээр байгаад үнэхээр тархи болон ёс суртахууны доройтолтой эрчүүдээр монгол улс дүүрлээ!! 2 уулаа л ажиллаж, 2 уулаа л гэр орон, аж ахуйн ажлаа хамт авч явах ёстой! гэтэл манай эрчүүд гэж баасаар дүүрэн гүзээ, хоосон толгой , сэргэдэггүй хиймортой диван дээр л ѳнждѳг тахир дутуу амьтад болж!! Харин нь ч зарим ухаантай хүчмрхэг эмэгтэйчүүд гэрээ эр хүнээс дутахааргүй авч явдаг шүү!

      Хариулах