Маргаашнаас хилийн авто боомтууд хэвийн ажиллаж эхэлнэ

Twitter Print
2019 оны 02-р сар 07-нд 14:56 цагт
Мэдээний зураг,

"Хилийн боомт тэдгээрийн дэглэмийн тухай" Монгол Улс, БНХАУ-ын Засгийн газрын 2004 оны хэлэлцээрийн 4.3-т заасны дагуу Монгол, Хятадын хилийн авто замын боомтууд 2019 оны хоёрдугаар сарын 5,6,7 -нд буюу Билгийн тооллын хаврын тэргүүн сарын шинийн 1, 2, 3-ны өдөр "Цагаан сар"-ын баяр тохиож байгаа тул ажиллахгүй. Эдгээр өдрүүдэд олон улсын галт тэрэг болон нисэх онгоц хуваарийн дагуу зорчиж байгаа. 

Боомтууд харин маргаашнаас эхлэн ажиллах юм.

Монгол Улс, БНХАУ-ын хуулиар тогтоосон дараах баярын өдрүүдэд хилийн боомтууд ажиллахгүй.

Монгол Улсын

  • Шинэ жил - 1 дүгээр сарын 1-ний өдөр ,

  • Олон улсын эмэгтэйчүүдийн өдөр – 3 дугаар сарын 8-ны өдөр,

  • Хүүхдийн баяр – 6 дугаар сарын 1-ний өдөр,

  • Үндэсний их баяр наадам, Ардын хувьсгалын ойн баяр – 7 дугаар   сарын 11-15-ны өдрүүд,

  • Цагаан cap (шинийн 1,2,3-ны өдрүүд),

  • Үндэсний эрх чөлөө, тусгаар тогтнолоо сэргээсний баярын өдөр –  12 дугаар сарын 29-ний өдөр,

  • Их эзэн Чингис хааны өдөр – Их эзэн Чингис хаан мэндэлсэн билгийн тооллын өвлийн тэргүүн сарын шинийн 1 зэрэг болно.

БНХАУ

  • Шинэ жил – 1 дүгээр сарын 1-ний өдөр,

  • Цагаан сар – 2 дугаар сарын 7-9-ний өдөр,

  • Ханш нээх өдөр – 4 дүгээр сарын 4-ний өдөр,

  • Олон улсын хөдөлмөрчдийн баяр – 5 дугаар сарын 1-ний өдөр,

  • Луут завины баяр – 6 дугаар сарын 9-ний өдөр,

  • Намрын баяр – 9 дүгээр сарын 15-ны өдөр,

  • Үндэсний баярын өдөр – 10 дугаар сарын 1-3-ны өдөр зэрэг болно.

Г.Ганаа

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.