НИТХ-ын ээлжит хуралдаан маргааш болно

Twitter Print
2014 оны 03-р сар 26-нд 12:26 цагт
Мэдээний зураг,
Нийслэлийн Иргэдийн Төлөөлөгчдийн хурлын ээлжит 15 дугаар хуралдаан 2014 оны 2 дугаар сарын 27-нд болж хуралдаанаар Нийслэлийн ИТХ-ын хуралдааны дэгийг шинэчлэн батлах тухай асуудлыг хэлэлцсэн.  Уг асуудлаар  МАН-ын бүлэг завсарлага авснаар НИТХ-ын 15 дугаар ээлжит хуралдааныг энэ сарын 27-нд үргэлжүүлэн хуралдуулахаар болсон юм.  


Энэ дагуу НИТХ-ын 15 дугаар ээлжит хуралдаан 2014 оны 3 дугаар сарын 27-нд 09:00 цагаас  үргэлжилэн хуралдаж, НИТХ-ын  хуралдааны дэгийг шинэчлэн батлах тухай асуудлыг хэлэлцэх бөгөөд 16 дугаар ээлжит хуралдааныг эхлүүлэх юм. НИТХ-ын 16 дугаар ээлжит хуралдаанаар “Ухаалаг Улаанбаатар” хөтөлбөрийг хэлэлцэнэ. 

Монгол Улсын Ерөнхийлөгчийн “Том төрөөс Ухаалаг төр рүү” санаачилгыг  нийслэлээс дэмжин хэрэгжүүлэхээр “Ухаалаг Улаанбаатар” хөтөлбөрийг боловсруулсан бөгөөд хөтөлбөр нь шинэ зууны хотын хөгжлийн чиг хандлага, технологийн дэвшил, иргэдийн хүсэл шаардлага, бизнесийн орчны өөрчлөлт зэргийг оновчтой шийдвэрлэж байх цомхон бүтэцтэй, ойлгомжтой дүрэм журамтай, соёлтой шуурхай үйлчилгээтэй ухаалаг хотыг бий болгох зорилготой юм. Хөтөлбөрийн хүрээнд Ухаалаг засаглал, Ухаалаг эдийн засаг, Ухаалаг иргэд, Ухаалаг үйлчилгээ, Ухаалаг орчин, Ухаалаг амьдрал гэсэн чиглэлүүдээр хотын үйл ажиллагааг өөрчлөх зорилт дэвшүүлж байгаа юм. Хөтөлбөрийг НИТХ-ын ээлжит 16 дугаар хуралдаанаар эцэслэн баталвал боловсруулан төлөвлөөгний дагуу 3 үе шаттайгаар хэрэгжүүлэх юм.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.