Яагаад заавал НОМ, НОМ, НОМД ДУРЛУУЛ гээд байгаа юм гэж үү?

Twitter Print
2018 оны 12-р сар 02-нд 09:19 цагт
Мэдээний зураг,

Бидний хүсээд байдаг анхаарал төвлөрөлттэй болох, "сууж сурах", өөртөө итгэлтэй болох, хэл ярианы чадамжийг хөгжүүлэх хамгийн гол хэрэглүүр НОМ болон ТОГЛООМ билээ. Тэгэхдээ сонголт зөв байх нь маш чухал. Энэ удаа номын тухай ярилцъя. Тоглоомын тухай олон удаагийн сургалт дээр ярьсан.

Хүүхэд эхийн хэвлийд байх 27 долоо хоногтойгоосоо эхлэн ном унших (сонсох) боломжтой болдог. Тэр үеэс л та хэр уйгагүй хамтран уншина, төдий чинээ хүүхэд хурдан номд татагддаг, дурладаг.

2-3 насны хүүхдийн анхаарал төвлөрөлт 4-6 минут л үргэлжилдэг. Үүнийг зохион байгуулалттайгаар буюу ном унших аргаар 10 -12 минут орчим болтол хөгжүүлж болно.

Харин 5-6 насны хүүхдийнх хамгийн ихдээ 15 минут орчим байдаг бөгөөд сонирхлыг нь татсан зүйлд анхаарлын тогтворжилт 21-23 минут болж чаддаг. Ингэж санамсаргүй аргаар хүүхдийн анхаарал төвлөрөлтийг сайжруулах нь хүүхдийг суралцах үйлд бэлтгэж буй туйлын зөв алхам юм.

Сонирхолтой ном унших үед хүүхэд ам нь ангайгаад нүд нь бодлогоширонгуй болчихдог. Энэ нь тархи өөрөө ангайчихсан байгаа амыг хаахаа хүртэл мартаад ном руу анхаарсан байна гэсэн үг. Тэр номоо дахин дахин уншуулах үедээ номын дундуур асуулт асуух, хуудас эргэхээс өмнө түрүүлж ярьдаг. Энэ бүрт та хүүхдийнхээ яриаг дэмжин тусалж харилцан ярилцаж байгаарай. Номоо 10-аад удаа уншуулсны дараа өөрөө танд ярьж өгөх гэж оролдоно. Энэ үед ч бас цоо шинээр сонсож байгаа мэтээр гайхан догдлон биеийн хэлэмжээрээ ч идэвхтэй сонсогч нь болоорой. Ингэж чадвал хүүхэд үнэхээр өөртөө итгэлтэй болж чаддаг.

Тэгэхээр аав ээж та хүүхдэдээ аль болох багаас нь нэг удаад дунджаар 3 зурагт ном (3 ном уншихад 20 мин орчим болдог учир) уншиж өгөөд, түүнийгээ харилцан ярилцаад дадчихвал хүүхдээсээ хүсээд байдаг хүсэл бүхэн тань биелэх боломжтой. Мөн унтахын өмнөх уншлагын цаг хүүхдийн ургуулан бодох хийсвэрлэх сэтгэхүйг маш сайн хөгжүүлдэг.

Нэг удаа "Манай хүүхэд зурагтын өмнө тасралтгүй 3 цаг суудаг, хажуугаас нь хэн юу ч гэж байсан тоодоггүй. Энэ анхаарал төвлөрөлт биш гэж үү" гэсэн асуулт ирж байсан. Энэ анхраарал төвлөрөлт биш донтолт шүү. Хүүхэд зурагтаар гардагаас илүү тод, илүү хурдан, илүү адал явдалтай биш л бол юуг ч яаж ч анхаарахаа больчихдог маш муу гэмтэй.

Г.Төмөрзаяа

БНСУ-ын ЧОНБУК Улсын Их Сургуулийн Магистр

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.