“Korean Air”-ын онгоцоор нисэхэд юу болдог вэ

ҮХЦ-ийн дарга Д.Одбаярын дуулиан шуугиантай холбоотойгоор өөрийн санаа бодлоо бичих гэсэн юм. Манай монголчууд онгоцонд эр эмгүй задгай, хэнэггүй зантай хүмүүс. Энэ зан нь яг үнэндээ мангар ч юм шиг их эвгүй.

21 зууны даяарчлагдаж байгаа дэлхийн соёлтой мөр зэрэгцэх л хэрэгтэй юм. Сохорын газар сохор, доголонгийн газар доголон гэж үг бий. “Korean Air”-ын онгоцоор нисэх үед юу болдог вэ гэвэл:

Эхлээд манайхан чинь суудлаа олохгүй хэсэж өгнө, мөргөлдөөд л байна. Солонгосоос ирэхдээ есөн шид нь бүрдсэн гар тээштэй орж ирнэ. Гурван хайрцаг мандарин ч бх шиг,бялуу ч байх шиг, жүүсийг сагсаар нь гэх мэт. Хүн хүний тээшний box руу хийх гээд зай хайж эхэлнэ. Энэ бүгд чинь Монголд байгаа шүү дээ. “Korean Air”-ын онгоцны үйлчилгээ Монгол болон бусад өндөр хөгжилтэй орон хоёрын дунд ялгавартай. Монголоос нисэхэд бидэнд тохирсон болхи үйлчилгээ, арай намхан царай зүс муутай үйлчлэгч, наанадаж нас нь 30-аас дээш ч юм уу, хоол нь хоёрхон төрөл, уух ундаа нь 2, 3 нэр төрөл. Чааваас манайхан лав хүн болгон л пиво 3-4 лааз авна гээд л авч байгаа харагддаг.

Шатааж байгаа юм бишүү, Ийм шуналтай байхаар чинь онгоцны үйлчлэгч нүүрэн дээрээ инээж байгаа ч дургүй л байгаа. Дараа нь уух юмыг картаар өгч байгаа бололтой залуучууд картаа өгөөд уух юм авна. Зарим нь онгоцонд согтоод чанга чанга инээнэ, ярина, чихэвчээ хийхгүй чанга дуугаар кино үзнэ, бусдад  төвөг учруулна. ОО өрөө явахад том биетэй залуучууд нь хөлөө заал уруу гаргаж, хөлөө татахгүй, дэгээдэж унангаа алдуулна.Татваргүй худалдаанаас надтай ойрхон суусан монгол залуу эрэгтэй сүрчиг авснаа онгоцоор нэг үнэртүүлээд бүх бие хаа, үс, хөл, гартаа түрхсэн.

Солонгосоос Америк руу газар тэнгэр шиг өөр болно. Хамгийн нэгдүгээрт үйлчлэгч бүсгүйчүүдийн царай зүс, бие хаа, нуруу туруу өндөр зэрэглэлтэй. 25- аас доош болов уу гэхээр охидууд, өгч байгаа хоол нь олон төрөл, чанартай, уух ундаа, ус вино, пиво, виски учрыг нь олоход бэрхтэй. Тэрийг энийг ууя л гээд байвал өгөөд л байна. Ганц нэг гадаадууд вискиг картаар авч ууна уу гэхээс бусад нь мэдээж чөлөөтэй, бие засах өрөөнд гар, биеийн тос ,ОО-н цаас нь илүү торгомсог зөөлөн тавьсан байдаг.

Энэ бүхнээс хараад яагаад манай руу нислэгийн үйлчилгээ нь тааруухан явдаг юм бол гээд л “Korean Air”-т гомдох сэтгэл төрнө.Монгол хүмүүсийг яагаад дорд үзэж байгаа юм гэж өөрийн эрхгүй бодогддог. Гэтэл Төрийн түшээ нь Монголын нэр хүндийг ингэж унагаасан нь бусад зорчигч нарт гай л боллоо доо яанам бэ.Төрийн түшээ тэнэг юмнууд МИАТ-аараа нисэхэд яадаг юм.Монголын онгоцоо голж байгаа биз. МИАТ-ын үйлчилгээгээ сайжруул гэж хэлмээр байна.

Г.Ганхүү  

 

Энэ мэдээ танд таалагдаж байвал LIKE хийгээрэй. Танд баярлалаа.