Австралид монгол залуу хүний амь аварчээ

Twitter Print
2019 оны 12-р сар 03-нд 15:14 цагт
Мэдээний зураг,

Австралийн Мельбурн хотод сурдаг Т.Чингэс гэх монгол залуу Квинслэнд мужийн Кайрнс хотод гурав хоногийн аялалаар очоод байхдаа амиа хорлохыг завдсан бүсгүйн амийг аварчээ. Энэ явдал өнгөрсөн сарын 23-нд болсон байна.   

Энэ талаар Т.Чингэс нүүр номондоо “Би өрөөндөө дөнгөж орж ирээд байж байтал гадаа ямар нэгэн зүйл хүчтэй унах чимээ дуулдсан. Дараа нь буудлын хоёрдугаар давхрын усан сангаас хоёр эмэгтэй орилж эхэлсэн. Гараад хартал нэг охин долдугаар давхрын тагтны гадна талд тагтны хамгаалалтаас зуурсан байв. Миний өрөө тавдугаар давхарт байсан. Би тэр даруй зүүн гар талын тагт руу үсрэн орж доороос нь тосож авах юм уу эсвэл уналаа гэхэд хурдыг нь сааруулъя гэж бодсон. Охин 55-60 кг жинтэй харагдсан. Мөн надаас 4-6 метрийн өндөрт байсан. Би зургаадугаар давхар руу авирч, түүнтэй ярилцаж эхэлсэн. Тэр ганцааранг нь орхихыг хүсэн, маш их айсан байсан. Тэр гэнэт байрлалаа сольж, тагтнаас гадагш харж зогсоод үсрэхэд бэлэн болсон. Тухайн агшинд би шууд долоон давхар руу дамжин гарч, гараас нь бариад авсан. Тэр охин надад “Би 26 настай, хар тамхинд донтсон. Надад хэн ч тусалж чадахгүй.  

Надад гар дээрх зүүний сорвиудаа харуулахыг хүссэн ч би гарыг нь чанга атгасан болохоор харах гэж оролдоогүй. Бид бараг 5 минут ярилцсаны дараа цагдаа өрөөнд орж ирсэн. Цагдаа шууд буугаа гаргахыг оролдсон. Би туслаач гэж дуудахад тэр охины гараас барьсан. Харин өнөө бүсгүй цагдаа харангуутаа маш догшин болж, гараас нь барихад хэцүү болсон. Охин их хөлөрсөн байсан” гэж бичжээ. 

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.