Афганистанд байрлаж байсан Америкийн цэргүүдийг Төв Азид байршуулах талаар яригдаж байна

Twitter Print
2021 оны 05-р сар 10-нд 12:06 цагт
Мэдээний зураг,

Уолл Стрийт Жорнал сонинд бичсэнээр Америкийн эрх баригчид Афганистанд байрлаж байсан Америкийн цэргүүд болон цэргийн техникийг Төв Ази эсвэл Ойрх Дорнодын улсад байршуулах хувилбарыг авч үзэж байгаа аж.

АНУ-ын арми болон АНУ-ын Зэвсэгт хүчний зэвсэг техникийг дээрх бүс нутгуудад байршуулах нь Афганистан дахь Талибан хөдөлгөөнийхныг үргэлжлүүлэн хянахад туслах ба гадны цэргүүдийг гарсаны дараа Афганистанд бослого хөдөлгөөн үүсэхээс сэргийлж чадна гэж үзэж байна.

Түүнчлэн Америкийн цэргүүд Афганистаны нутаг дэвсгэрээс гарсанаар тус улсад Аль Каида эсвэл Исламын улс гэх мэт алан хядах бүлэглэлүүдтэй адил АНУ-ын эрх ашиг болон түнш орнуудад заналхийлсэн бүлэглэл шинээр бий болох эрсдэлтэй гэдгийг мэргэжилтнүүд онцолж байгаа аж.

Америкийн цэргийн удирдлагууд болон Ерөнхийлөгч Жо Байдений зөвлөхүүдийн зарим нь Афганистантай хил залгаа Узбекистан эсвэл Таджикистанд цэргээ байршуулах нь шаардлагатай тохиолдолд америкчуудад хурдан арга хэмжээ авах боломжийг олгоно гэж үзэж байгаа аж.

Гэсэн хэдий ч дээрх бүс нутгуудад ОХУ-ын арми байрлаж байгаа явдал мөн хоёр орны харилцаа хурцадсан зэрэг нь Төв Азид цэргийн бааз байгуулах Вашингтоны төлөвлөгөөнд томоохон бэрхшээл болоод байгаа аж.

Одоогийн байдлаар Пентагон Афганистанд байрлаж байсан цэргүүдийг хаана дахин байршуулах тухай эцсийн шийдээ гаргаагүй байгаа ба уг шийдвэрийг АНУ-ын Төрийн департамент болон Цагаан ордны хамтаар гаргах аж.

Афганистаны Талибан хөдөлгөөнтэй хийсэн зөвшилцлийн дагуу Вашингтон Афганистанаас цэргүүдээ гаргаж байгаа ба Ерөнхийлөгч Жо Байден ирэх 9-р сарын 11 гэхэд Афганистанаас бүх цэргээ гаргасан байна хэмээн мэдэгдсэн билээ.

Эх сурвалж: https://www.interfax.ru/world/

Орчуулсан: Содномцэрэнгийн Энхзаяа

mongolcom.mn

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Ховд

      (202.21.113.140) 2014-03-24 20:16
      • 0
      • 0

      Khangai uzuulwigui shuu dee Khoer tsever unaad uzuurlkeh bolomj baikhgu shuu dee Kholiin tsetsees Mygmarsuren zaaniig choloolii Bokh budluulsan zasuuld Yamar arga khemjee avsan be UBKH

      Хариулах