Гар утсандаа донтож доош бэгцийн, зомби мэт болчихсон улсыг Smombies буюу Смомбичууд гэнэ

Twitter Print
2019 оны 07-р сар 14-нд 09:16 цагт
Мэдээний зураг,

Ухаалаг утас ба зомби (Smartphone ба Zombie) гэсэн үгсээс бүтсэн “Смомби” хэмээх хэллэг сүүлийн үед хэвлэлүүдэд нэлээн харагдах боллоо. Эргэн тойрноо мэдрэхээ байтлаа гар утсандаа донтож доош бэгцийн, зомби мэт болчихсон улсыг Smombies буюу Смомбичууд гэнэ.

Смомби явган зорчигчид замын хөдөлгөөний осолд их өртөж буй аж. Тиймээс энэ сэдэв дээр анхаарал татах үүднээс дугуйн зам гэдэг шиг тэдэнд зориулсан зам эхнээсээ бий болж эхлээд байна.

Латви улс Европын орнуудаас Бельгийн дараагаар Смомбичуудад зориулж зам тавьсан хоёр дахь улс болжээ. Вельнюс хотын дарга, “Манай хот бол технологийн хот. Энэхүү 300 метр замыг бид хотынхоо компьютерийн салбарыг сурталчилж, мэргэжилтнүүдийг нааш татах хийгээд програмчлал чухал гэдэг сэтгэхүйг хүмүүст ойлгуулах зорилгоор тавьсан” гэж хэлсэн байсан. Түүнээс бус зомбитоод бай гэсэн үг бус юм байна. Гэхдээ ирээдүйд смомбийн зам улам бүр нэмэгдэх бололтой гэж Германы Штерн сэтгүүлд бичсэн байна.

Нөгөөтэйгүүр, Латвийн засгийн газар саяхан, “зам хөндлөн гарахдаа гар утсаа хэрэглэх явдлыг бүрмөсөн хориглосон” тухай журам гаргасан байсан. Нэгэнт дүрэм журам байгаа цагт зөрчсөн хүн шийтгэл хүлээнэ гэсэн үг.

Европын Авто Клуб (ACE) -ын 2017 оны судалгаагаар, ухаалаг утас нь согтууруулах ундаа, хурд хэтрүүлэхийн дараа орох замын хөдөлгөөний ослын гурав дахь том шалтгаан болж буй аж. 

Зам хөндлөн гарахдаа гар утсаа харахгүй байх нь мэдээж чухал. Гэхдээ явган зорчигч мянга анхаарсан ч машин дотор “смомби” жолоо барьж суухыг хэн хэлж мэдэх билээ. Гар утсанд донтогсод сухаалаг утсандаа хэт автахаараа орчлонгоос өөрсдийгөө тусгаарлачихдаг аюултай, юун улаан ногоон гэрэл, машины дуу чимээ анзаарах манатай болчихдог гэнэ...

Технологи биднийг улам бүр чөлөөлж, мөн эсрэгээрээ улам бүр боомилж байна. Ухаалаг утасныхаа хэрэглээг хаа хаанаа ухаалгаар зохицуулж хэвшихгүй юм бол айхтар өвчин хаяанд иржээ...

Дорждамдины Оюун

15.10.2018, Karlsruhe

Эх сурвалж: https://www.stern.de/…/in-litauen-gibt-es-jetzt-eine-sonder…

https://www.youtube.com/watch?v=XyP0PmChkI0

Зургийн тайлбар: Смомби (Smombies) гэж энэ үг гурван жилийн өмнө Германд “залуучуудын оны үг”-ээр шалгарсан, дараахан нь түүнийг Лангеншайдт хэвлэлийн газар толь бичигтээ албан ёсоор бүртгэж авсан юм билээ.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.