Дуурийн гол дүрүүдэд монголчуудыг, балетын гол дүрүүдэд япончуудыг тоглуулдгаа болих хэрэгтэй...

Twitter Print
2018 оны 09-р сар 29-нд 11:15 цагт
Мэдээний зураг,

-Бидэнд хамаагүй ч чих сортолзоод горьгүй нь...-

Буриадын Дуурь, бүжгийн эрдмийн театр хэд хоногийн өмнө улсын Ерөнхийлөгчөө дуудаж, хуралдсанаар театрынхаа захирлыг "Ажлаа хүлээлгэж өг" гэжээ. Мөн Соёлын сайд нь "Дуурийн гол дүрүүдэд монголчуудыг, балетын гол дүрүүдэд япончуудыг тоглуулдгаа болих хэрэгтэй" гэж гэнэ. Ингэж хэлснийг нь уран бүтээлчдийнх нь дийлэнх олонх эсэргүүцэж байгаа юм байна. Тэргүүлэх дуучдын нэг, алдартай тенор М.Пирогов нь эсэргүүцлээ илэрхийлж өнөөдөр тайзнаа сүүлчийн удаа "Чио Чио Сан"-д дуулаад театраа орхихоо мэдэгдлээ. Монголчуудтай түлхүү тулж ажилладаг Дарима багш яахаа мэдэхгүй, гайхаад байж байна.

Сүүлийн жилүүдэд тус театрын нэр хүндийг өндөрт өргөж яваа уран бүтээлч бол Г.Ариунбаатар. Бүх хүн мэдэж байгаа. Бүр Орос даяар. Түүнийг Дарима багш бэлдүүлж, уулын хормойгоос оройд нь гартал цуг явсан. Гоцлол дуучин Мөнхзул, Батчимэг, залуу басс Бат-Эрдэнэ нар театрын уран бүтээл гоё байхад, үзэгчид театр руу сонирхолтойгоор, зорилготойгоор ирэхэд маш их нөлөөтэй байсан.

Театрт "могой гүйлгэж" байгаа нөхөд "Дарима багш монголчуудтай илүү ажилладаг болохоор тэд нар нь амжилт гаргахаар илүү байдаг" гэж үзэж байгаа аж. Өгөгдөл, ур чадвар хаана, хэнд илүү байгааг олж харж, ажиллаж, зүтгэж байснаараа багш буруутах гэж үү. Шинэ цагийн хэлмэгдүүлэлт болох вий дээ. Ерөнхийлөгчөө Соёлын сайд Соёлма Дагаева нь авчирч хуралдуулжээ.

Урлагт дуртай сэтгүүлч бодлоо бичив. Тэр театрын дотоод ажил бидэнд хамаагүй л дээ. Гэхдээ Дарима багш асуудалд орсныг дуулаад сэрдхийхгүй монгол чих үгүй билээ. 

Р.Оюунжаргал 

  

Зураг дээр: Соёлын сайд Соёлма Дагаева болон Ерөнхийлөгч Алексей Цыденов

Ред: Харин өчигдөр Г.Ариунбаатар Буриадын театрыг орхиж байна хэмээн мэдэгдсэнийг тайлбартайгаар хүргэсэн ARD сайт болон бусад хэвлэл мэдээллүүдэд Ерөнхийлөгч Алексей Цыденовын Хэвлэл мэдээллийн албанаас хариу өгчээ. “Хяналтын танхимаас санхүү - аж ахуйн үйл ажиллагаанд шалгалт хийснээр захирал нь огцорсон Буриадын Гомбо Цындыжаповын нэрэмжит улсын дуурь, бүжгийн эрдмийн театрт амаргүй байдал үүсээд байна. Театрын жүжигчдийн зарим нь энэ шийдвэрийг цуцлахыг шаардаад, захирал халагдсан тохиолдолд эндээс явах асуудлыг тавьсан юм. Жүжигчид захирал, соёлын сайд юмуу бүгд найрамдах улсын тэргүүнд зориулж биш, харин бүтээл туурвилд нь дуртай хүмүүс, зон олонд зориулан дуулж, бүжиглэдэг гэж Буриадын тэргүүн тэмдэглэсэн юм. Үүнээс гадна, театрт өөрийн гэсэн боловсонхүчний асуудал бий, юу гэвэл нөөц бэлтгэл боловсон хүчин байхгүй байгаа бөгөөд нутгийн боловсон хүчнийг бага ажиллуулж байгааг дурдсан. Зохих түвшинг барьж, орон нутгийн сайн дурын урансайханчдын хэмжээнд хүртэл доошоо орохгүйн тулд гаднаас жүжигчид авч ажиллуулах хэрэгтэй гэж Алексей Цыденов онцлон тэмдэглэсэн юм. Үүний зэрэгцээ өөрийн авъаслаг хүмүүсийг эрж хайж, тэднийг өсгөж өндийлгэх хэрэгтэй” гэж ОХУ-ын Бүгд Найрамдах Буриад Улсын тэргүүний хэвлэлийн нарийн бичгийн дарга Алексей Фишев мэдэгджээ.

Холбоотой мэдээлэл: 

-Г.Ариунбаатар Буриадын театрыг орхиж байна гэлээ - http://mongolcom.mn/read/52701

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (122.201.31.153) 2018-09-30 14:58
      • 0
      • 0

      OROS MONGOLIIG DUURAISAG BOLOHOOR MODA MONGOLOOR DUUSDAG GEH UG

      Хариулах

    • Зочин

      (122.201.31.153) 2018-09-30 14:58
      • 0
      • 0

      OROS MONGOLIIG DUURAISAG BOLOHOOR MODA MONGOLOOR DUUSDAG GEH UG

      Хариулах

    • бэлтрэг

      (122.201.31.40) 2018-09-29 17:38
      • 0
      • 0

      оросуудыг хамгийн их дуурайж дагаж далдайдаг улс бол kазаkстан. дагecтан2 байсан. гэтэл сүүлийн үед буриад халимагууд угсаа гаралаасаа ичиж орос хүн болох гэж алиатдаг болж..

      Хариулах