Баянхонгор аймгийн урлаг соёлын өдрүүд Баян-овоо сумаас эхэллээ

Twitter Print
2018 оны 09-р сар 20-нд 15:10 цагт
Мэдээний зураг,

-БАХАРХАЛТ ҮЙЛСИЙН ЭЗЭД БАЯН-ОВООЧУУДЫН СОЁЛЫН ӨДРҮҮД ЭХЭЛЛЭЭ-

Баянхонгор аймгийн засаг даргын үндсэн чиглэл, мөрийн хөтөлбөрт тусгагдсаны дагуу жилд таван сум урлаг соёлын өдрөө аймагт тэмдэглэн өнгөрүүлдэг уламжлал тогтоод буй юм.

Өнөө жил л гэхэд Монголын анхны сум, Ардын уран зохиолч Тангадын Галсангийн нутаг Заг, Хонгор нутгийн хоймор сум Гурванбулаг сумдын дараа алдартнуудын өлгий нутаг, Төрийн төрийн соёрхолт, МУГЖ Д.Сосорбарамын унаган нутаг Баян-Овоо сумын соёлын өдрүүд налгар намрын наран дор Хонгор нутгийнхаа наадмын талбайд нээлтээ нижгэр сайхан хийсэн байна.

Тус сумын энэхүү нээлтэд аймгийн ИТХ-ын дарга Ц.Отгонбаяр, ЗДТГ-ын нийгмийн бодлогын хэлтсийн дарга Л.Баясгалангомбо тэргүүтэй аймгийн удирдлагууд, Монголын урлаг соёлын нэрт төлөөлөгч, төрийн соёрхолт Догмидын Сосорбарам, Нацагдоржийн шагналт зохиолч, яруу найрагч, сэтгүүлч Данзангийн Нямаа тэргүүтэй энэ сумаас төрж гарсан алдар цуутнуудын төлөөлөл, "Санаачилга" нэгдэл болон Нэгдэл дундын үйлдвэрт ажиллаж байсан ахмад настнууд, Ш.Дамдинсүрэн арслан тэргүүтэй улс, аймгийн аварга малчид, тэргүүний сайчууд болон одоо ажиллаж байгаа сумын удирдлагууд, ажилтнууд, иргэд хөдөлмөрчид өргөнөөр оролцсон байна.

Ойрын гурван өдөр аймгийн төвд ийнхүү Баян-Овоочуудын бахархалт үйлс, урлаг, соёл, спортоор амьсгалсан өдрүүд үргэлжлэх аж. Баян-Овооны урлаг соёлын нээлт дээр аймгийн удирдлагуудаас гадна Д.Сосорбарам, Д.Нямаа нар үг хэлж амжилт хүссэн байна.

Алт эрдэнэс, авьяас билгийн, алдар гавьяатнуудын өлгий Баян-Овоочуудын соёлын өдрүүд үргэлжилсээр авай...

П.Санаадагва

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.