ХААН Банк Сан Unread-тэй хамтран шинэ оюутны хөгжлийн “RISE” хөтөлбөрөө нээв

Twitter Print
2018 оны 09-р сар 11-нд 13:05 цагт
Мэдээний зураг,

Өнгөрсөн амралтын өдрүүдэд буюу Зайсан Хилл цогцолборт 800 гаруй шинэ оюутан оролцсон арга хэмжээ зохион байгуулагдсан нь ихээхэн шинэлэг арга хэмжээ боллоо.

Дунд сургуулиа төгсөөд их сургуульд элсэн орж амьдралын гараагаа эхэлж байгаа болон орон нутгаас нийслэл Улаанбаатар хотыг зорин суралцахаар ирсэн оюутнуудад тулгамддаг асуудал, бэрхшээлүүд, тэдгээрийг даван туулах зөвлөмж зөвлөгөө, туршлагын тухай мэдээллийг авах хүсэлтэй оюутнууд цахимаар бүртгүүлснээр уг арга хэмжээнд оролцсон юм.

Энэхүү арга хэмжээг ХААН Банкны Гүйцэтгэх захирал Жон Белл нээж үг хэлсэн бөгөөд амжилттай яваа эрхмүүдийн төлөөллүүд “Сурах арга барилд суралцахуй” болон “Хичээлээс гадуур өөрийгөө хөгжүүлэхүй” сэдвээр өөрсдийн арга барил, туршлага, санаа бодлоо “RISE” хөтөлбөрт хүрэлцэн ирсэн оюутнуудад хуваалцлаа.

 

Сонирхолтой, дүр дүнтэй ярилцлагын дараа оюутнуудын дунд авхаалж самбаа, оюун сорих уралдаан тэмцээнийг явуулж, ялагчдад ХААН Банк болон дэмжигч байгууллагуудын шагнал, гарын бэлгүүдийг гардуулав. Мэдэж авахыг хүссэн олон асуултадаа хариулт авч, оюутан болсон анхны мэдрэмж бас айдсыг давах арга ухааны захаас суралцсан тэднээс 80 оюутныг тодруулсан бөгөөд тэдэнд дараагийн өдөр нь ХААН банк цамхагт болсон арга хэмжээнд оролцох урилгыг гардуулсан юм.

 
 

Өнгөрсөн ням гаригт болсон тэрхүү үйл ажиллагаанд “Санхүүгээ хэрхэн зохицуулах вэ?” болон ”Хувь хүний хөгжил, хотын соёл” зэрэг сэдвүүдээр илтгэл сургалт хийж, ХААН банк цамхагаар аялуулав. Банкны салбарт тэргүүлэгч ХААН Банкны оффис болон үйл ажиллагаатай танилцсан нь оюутнуудад ихэд сонирхолтой байсан төдийгүй сургуулиа төгсөөд ХААН Банкинд орж ажиллахыг хүсч буйгаа илэрхийлж байлаа. ХААН Банкны нийгмийн хариуцлагыг хэрэгжүүлэгч ХААН Банк Сангаас залуучуудын хамт байх дуртай Unread сайттай хамтран 2018-2019 оны хичээлийн жилд шинээр оюутан болсон залууст зориулж “RISE” шинэ оюутны хөгжлийн хөтөлбөрийг хэрэгжүүлэхээр болж байна.

 
 

Хичээлийн жилийн турш үргэлжлэх “RISE” хөтөлбөр нь  дөнгөж оюутан болсон хүүхэд, залуус руу чиглэсэн олон арга хэмжээг зохион байгуулах бөгөөд залуучуудыг ч өөрсдөд нь зориулсан арга хэмжээнүүдэд идэвхтэй оролцож ирээдүйдээ хөрөнгө оруулсан мэдлэг боловсролыг олж авахыг уриалж байгаа аж.

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.