Өвөл болохоор хүйтэн болно шүү, оюутнуудаа...

Twitter Print
2018 оны 09-р сар 04-нд 14:57 цагт
Мэдээний зураг,

Зунаас хойш нутгийн нэг эгч хүүхдээ ажилд оруулмаар байна, хуулийн сургууль төгссөн гээд олон удаа ярьсан юм. Хааяа нэг сайн хүүхэд байна уу гээд хүмүүс над руу ярьдаг болохоор гайгүй хүүхэд байвал анкетыг нь авчихья даа гэж бодоод уулзлаа. Төрийн албаны анкетаа бөглө гээд бөглүүлсэн чинь төрсөн газар гэдэгт "аймгийн нэгдсэн эмнэлгэ" гэж бичив. Нөхрийнхөө эрхэлдэг ажлыг бас алдаатай бичлээ. 

Хууль, дүрэм асуухаа байгаад хоёр өгүүлбэр хэлж, цээж бичиг хийлгэлээ. 2 өгүүлбэрт 10 гаран алдаа байна. Юун хуульчаар ажилд орох, 10 жилдээ буцаад сур, ээж аавынхаа мөнгийг дэмий үрсэн "өөдгүй хүүхэд" гэж загнаад гаргав. Ингэж хэлүүлсэн анхны хүүхэд нь ч биш, өширхөөд сүйд болов гэдгийг нь ч хэллээ. Өөрийгөө өмөөрмөөр аядаж л байна.

Би яаж ийм хүүхдийг гайгүй хуульч болно гээд хүн рүү явуулахав дээ. 

Өглөө хичээл орж байгаад, өчигдрийн явдал гэнэт санаанд ороод, буланд сууж байсан охиныг самбарт гаргаж, хоёр үг бичүүлэв. Бичсэн нь энэ. Дөрөвдүгээр курс гэж байгаа. Хувийн сургууль ч бай, энд хуульч бэлдэж байна. Дараагийн охиныг дуудаж гаргаад, "алдааг зас" гэсэн хуульч гэдэг дээр зөөлний тэмдэг нэмсэн, хэлүүлэн барин байж хуульчдийн гэснийг Ы болгож заслаа. 

Хуульч гэдэг бол ном унших, бүх насаараа реферат бичих л ажил. Өөр юу ч биш. Үндсэн ажил чинь оюутан цагтаа бичсэн рефератаа л үргэлжлүүлэх. Ном уншихгүй болохоор алдаатай бичнэ. Ном уншихгүй бол хуульч болохгүй. Нөгөө өвөл болохоор хүйтэн болно гэдэг шиг.

Түмэн олноороо дээд сургууль төгсөөд яах вэ, хүүхдүүдээ. Эцэг, эхчүүд ч гэсэн өөрийнхөө хүүхдийн хувь заяагаар тоглоод хэрэггүй. ЭЕШ өгсөн оноо нь муу бол заавал мөнгө төгрөгөө бүү зар, хүүхдэд чинь өөрийн гэсэн эрдэм, чадал, өөрийн гэсэн сонирхол, амжилт гаргах салбар байж л таараа, түүн рүү нь чиглүүл...

Болдбаатарын Гүнбилэг

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (182.160.33.222) 2018-09-04 18:53
      • 0
      • 0

      Их дээд сургууль төгссөн нөхдүүдээр цээж бичиг хийлгэж нийтэд мэдээлээч дээ.

      Хариулах

    • Зочин

      (182.160.33.222) 2018-09-04 18:53
      • 0
      • 0

      Их дээд сургууль төгссөн нөхдүүдээр цээж бичиг хийлгэж нийтэд мэдээлээч дээ.

      Хариулах

    • Зочин

      (64.119.25.42) 2018-09-04 16:17
      • 0
      • 0

      ok

      Хариулах