ХААН Банк “Монгол Оросын санаачлага 2018” чуулга уулзалтад оролцлоо

Twitter Print
2018 оны 06-р сар 12-нд 13:22 цагт
Мэдээний зураг,

Монгол Оросын санаачлага 2018” чуулга уулзалтад оролцож, ОХУ-ын Экспортын даатгалын агентлагтай хамтын ажиллагааны харилцан ойлголцлын санамж бичигт гарын үсэг зурлаа. 

Оросын Холбооны Улсын Аж үйлдвэр, худалдааны яам, “Оросын экспортын төв” хувьцаат нийгэмлэгтэй хамтран зохион байгуулсан уг чуулга уулзалтаар Монгол Оросын хамтын ажиллагаанд тулгамдаж буй асуудлуудыг хэлэлцэх салбар хуралдаанууд явагдлаа. 

Энэ удаагийн чуулга уулзалтад ХААН Банкны төлөөлөгчид оролцож, ХААН Банкны Гүйцэтгэх захирал Жон Белл ОХУ-ын Экспортын даатгалын агентлагтай хамтын ажиллагааны харилцан ойлголцлын санамж бичигт гарын үсэг зурах ёслолд оролцон, сэтгэгдлээ хуваалцлаа.

 

ХААН Банкны Гүйцэтгэх захирал Жон Белл хэлсэн үгэндээ “Өнөөдрийн санамж бичгийг байгуулж буй нь Монгол болон ОХУ  хоорондын худалдааны эргэлтийг нэмэгдүүлэх, хоёр орны хооронд худалдааны зах зээлийг өргөжүүлэх чиглэлээр хүчин чармайлтаа нэгтгэх маш сайхан боломж юм”  хэмээн онцоллоо. 

Үүгээр дамжуулан ХААН Банк үйл ажиллагааныхаа үр ашигтай байдлыг дэмжих, Монгол улсын эдийн засгийн өсөлтөд илүү хувь нэмрээ оруулах боломжтой болж байгаа билээ. 

Энэхүү хамтын ажиллагаа нь Орос, Монголын бизнес эрхлэгчдийг дэмжих, бизнесийн харилцаа, хамтын ажиллагааг өргөжүүлэх, худалдааны эргэлтийг нэмэгдүүлэх, Оросын бараа, бүтээгдэхүүн, үйлчилгээний экспорттой холбоотой яриа хэлцэл хийх боломжийг баталгаажуулах, эдийн засаг, хөрөнгө оруулалтын хамтын ажиллагааг эрчимжүүлэх, болон манай банкны харилцагчдад тустай төсөл хөтөлбөрийг дэмжих зэрэг олон талын ач тустай юм. 

 
 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.