Д.Кёкүшюүзан Батбаяр: Блокчайны эринд Монголчууд хөл нийлүүлэн алхах учиртай...

Twitter Print
2018 оны 06-р сар 06-нд 15:05 цагт
Мэдээний зураг,

Энэ оны гуравдугаар сард Монгол, Япон, Солонгос, Орос, БНХАУ-ын блокчайн олборлогч бизнесменүүд Улаанбаатар хотноо чуулж “Азийн орнуудын цахим мөнгө, блокчайн бизнес эрхлэгчдийн холбоо”-г үүсгэн байгуулснаа зарласан билээ.

Улмаар тус холбооны ерөнхийлөгчөөр чуулганд оролцогч нийт гишүүдийн олонхийн саналаар Монголын Сүмо бөхийн холбооны ерөнхийлөгч Д.Кёкүшюзан Батбаярыг сонгосон юм. 

Шинэ тутам байгуулагдсан холбооны Ерөнхийлөгчөөр монгол хүн тэр тусмаа Д.Кёкшүюзан Батбаярыг сонгон ажиллуулж өндөр итгэл хүлээлгэх болсон шалтгаанаа холбооны гишүүдийн зүгээс Кёкшүюзаны Япон улсад төдийгүй хятад, солонгос гэх мэт азийн бусад орнуудын бизнесмэнүүдийн дунд томоохон байр суурь эзэлж, амжилттай яваатай нь холбон тайлбарлаж байсан юм.
“Азийн орнуудын цахим мөнгө, блокчайн бизнес эрхлэгчдийн холбоо” байгуулагдсан даруйдаа Япон улсаас гаргаж буй “Тос” хэмээх шинэ төрлийн койны танилцуулгыг Улаанбаатар хотноо амжилттай зохион байгуулж байсан нь олон хүмүүсийн талархлыг хүлээгээд амжсан билээ.

Тэгвэл  энэ удаад тус холбооноос дахин “АА” хэмээх шинэ койныг цахим мөнгө олборлогчид болон блокчайн технологи хөгжүүлэгчдэд танилцууллаа.

“МСС Клауд” ХХК-иас шинээр гаргаж буй “АА” койныг олон нийтэд танилцуулах арга хэмжээ өчигдөр буюу даваа гарагт  (2018.06.05) Шангри-Ла Зочид Буудалд амжилттай зохион байгуулагдлаа. 

“АА” койныг танилцуулах нээлтийн арга хэмжээнд цахим мөнгө олборлогчид болон блокчайн хөгжүүлэгч тэргүүлэх компани болох “МСС Клауд” ХХК-ны Ерөнхийлөгч Рен Мин Е, “Avex” ХК-ны ТУЗ-ын дарга Фунаки Юкихиро, “КМЖ Стандарт” ХХК-ын Гүйцэтгэх Захирал Такахаши Акихиро, “ФСА Капитал Малайз” Группын Япон дахь төлөөлөгчийн газрын Ахлах Зөвлөх Ясүхиро Манака, “Тайвань Формоса Пластикс” Группын Япон дахь салбарын Гүйцэтгэх Захирал Ёшихиро Хамагүчи, Д.Кёкүшюүзан Батбаяр тэргүүтэй зочид төлөөлөгчид хүрэлцэн ирж оролцлоо.

Дэлхий нийтэд эрэлт ихтэй байгаа цахим мөнгө болох Биткойн нь зөвхөн 21 сая ширхгийг олборлох бололцоотой  байсан бол “АА” цахим мөнгийг нийт 2 тэрбум ширхгийг олборлох бололцоотой юм байна. Энэхүү цахим мөнгө нь Этериум платфорум дээр суурилсан бөгөөд өнөөдрийн ханш нь 12500 “АА” нь 1 этериумтай тэнцэх ажээ.

"АА" цахим мөнгөний давуу талыг “МСС Клауд” компанийн ерөнхийлөгч Рен Мин Е онцлохдоо “Манай АА койн нь эксченж гаргаж байгаа гэдгээрээ онцлогтой. Тийм учраас манай цахим мөнгийг эксченжүүд ашиглаж байгаа тохиолдолд арилжааны шимтгэлийг 50 хувиар хөнгөлөх боломжтой юм. Нэг жишээ дурдахад, эксченжийн гаргаж байгаа өөрийнх нь цахим мөнгөний өсөлт эхний зургаан сард маш өндөр байдаг. Өнөөдрийн байдлаар ажиллаж байгаа, эхний тавд багтаж байгаа эксченжүүдийн өөрсдийнх нь гаргаж байгаа койны өсөлт 10-100 хувьтай байгаа нь АА койныг маш ирээдүйтэй болохыг харуулж байгаа юм.

Мөн зоос болон зоосны хооронд арилжаа хийхээс гадна койн болон хуулиар хүлээн зөвшөөрөгдсөн мөнгөн тэмдэгтийн хооронд арилжаа хийх боломжтой. Олон төрлийн койн эзэмшиж байгаа хувь хүмүүс хоорондоо арилжаа хийх боломжийг манай эксченж бий болгож байгаа. Бид бол койныг худалдаж авах болон зарах хүсэлтэй хүмүүсийн хоорондын холбоосыг үүсгэж байгаа платформ юм” хэмээн ярьсан юм.

“АА” койныг Монголын зах зээлд шинээр танилцуулж байгаатай холбогдуулан Азийн Орнуудын Цахим Мөнгө, Блокчайн Бизнес Эрхлэгчдийн Холбооны Ерөнхийлөгч Д.Кёкүшюүзан Батбаярын байр суурийг энэ үеэр сонирхлоо.

Д.Кёкүшюүзан Батбаяр: - Сүүлийн үед дэлхийд шинэ Койнууд маш ихээр гарч байна. Тэр тусмаа Япон, Хятад гэх мэт Азийн орнууд олон, олон шинэ койнуудыг  зах зээл дээр танилцуулж байгааг дурдахгүй өнгөрч болохгүй.

Өнөөдөр танилцуулагдаж байгаа “АА” койны тухайд Япон, Хятадын хамтарсан койн гэдгээрээ онцлогтой. Манай холбооны зүгээс хамтарсан койныг дэмжинэ гэдэг байр суурьтай ажиллаж байгаа.

XXI зуун бол блокчайны эрин. Тиймээс монголчууд бид энэ ололттой хөл нийлүүлэн алхах учиртай. Манай холбооны хувьд койнуудыг аль нэг нь ашигтай гэж сурталчлах биш, блокчэйнийг Монголд нэвтрүүлж, монголчууддаа зөв ойлголт, мэдлэг олгож, эрсдэлийг хааж, дэлхий даяар явж байгаа хөөсөрсөн том мөнгийг эргэлтэд оруулж, холбоогоо ашиглан Монгол руу хөрөнгө оруулалт татах бодлогыг баримтална.

20 жилийн өмнө миний бие монголдоо анхны интернэт  үйлчилгээ үзүүлдэг компани байгуулах гээд явж байхад хүмүүс төдийлөн сайн ойлгож хүлээж авдаггүй байв. Гэтэл өнөөдөр бүгд интернэт гэдэг зүйлийг ойлгодог, нийтээрээ хэрэглэдэг болсон байна. Интернэт буюу цахим ертөнцийг түргэн хугацаанд ойлгож хэрэглээнд нэвтрүүлсэн шигээ монголчууд бид өдгөө блокчайн технологийг ойлгож, XXI зууны гайхамшиг болсон энэ ололттой цаашид хөл нийлүүлэн алхана гэдэгт итгэлтэй байна.

Дашрамд дуулгахад, Япон, Хятад гэх мэт Азийн хүчирхэг улсууд өөрсдийн шинээр гаргасан койны танилцуулгыг Монгол улсад удаа дараа хийж байгаа энэхүү үйл явдлыг Монгол Улс цахим мөнгөний болон Блокчайны хөгжилтэй хөл нийлүүлэн алхаж байгааг харуулсан үйл явдал боллоо хэмээн хуралд оролцогчдын зүгээс энэ үеэр өндрөөр үнэлж байв...

Сэтгүүлч Д.Энхтүвшин

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.