ГХЯ-ны Дэд сайд Б.Батцэцэг БНСУ-аас Монгол улсад суух Элчин сайд Жон Жэ Намыг хүлээн авч уулзлаа

Twitter Print
2018 оны 05-р сар 16-нд 17:21 цагт
Мэдээний зураг,

БНСУ-аас Монгол Улсад суугаа Элчин сайд У Суны бүрэн эрхийн хугацаа дуусаж, шинэ Элчин сайд иржээ.  Гадаад харилцааны дэд сайд Б.Батцэцэг Бүгд Найрамдах Солонгос Улсаас Монгол Улсад суух Онц бөгөөд Бүрэн эрхт Элчин сайд Жон Жэ Нам-ыг Итгэмжлэх жуух бичгээ барихтай нь холбогдуулан хүлээн авч уулзлаа.

Элчин сайд Жон Жэ Нам Монгол Улс, БНСУ-ын “Иж бүрэн түншлэл”-ийн харилцааг шат ахиулан хөгжүүлж, ард түмний найрамдал нөхөрлөлийг бэхжүүлэхийн төлөө хүч чармайлт гаргаж ажиллахын зэрэгцээ хоёр улсын иргэдийн зорчих нөхцлийг улам сайжруулах, мөн бүс нутгийн хүрээнд талууд хамтын ажиллагааг хөгжүүлэхэд анхаарч ажиллахаа илэрхийлэв.

Дэд сайд Б.Батцэцэг хоёр улсын харилцаа, хамтын ажиллагаа эрчимжиж буйг онцлон тэмдэглээд Улаанбаатар хотын агаарын бохирдлыг бууруулах төсөлд зориулан БНСУ-ын Засгийн газраас 500 сая ам.долларын зээлийг олгохоор болсонд талархал илэрхийлэв. Дэд сайд Б.Батцэцэг цаашид хоёр улсын харилцааг бүх талаар хөгжүүлэх, ялангуяа, худалдаа, эдийн засгийн хамтын ажиллагааг гүнзгийрүүлэх, БНСУ-ын хөрөнгө оруулалтыг нэмэгдүүлэх, Монгол брэндийг хөгжүүлэх, мөн иргэдийн солилцоог нэмэгдүүлэхэд БНСУ-тай нягт хамтран ажиллахын төлөө байгаагаа нотлоод Элчин сайдын ажилд өндөр амжилт хүслээ.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.