Нэгдүгээр эгнээний зөрчлийг илрүүлэх "Хөдөлгөөнт камер" ажиллаж эхэлжээ

Twitter Print
2018 оны 03-р сар 16-нд 11:58 цагт
Мэдээний зураг,

Нийслэлийн Тээврийн газрын Автотээврийн хяналтын улсын байцаагч, Улаанбаатар хотын замын хөдөлгөөний удирдлагын төв,  Замын цагдаагийн албаны Чингэлтэй, Сонгинохайрхан, Баянзүрх, Сүхбаатар, Баянгол дүүргийн Замын цагдаагийн хэлтсийн хөдөлгөөнт эргүүл, “Сити баз консалтинг” ХХК-ийн хяналтын ажилтан, шалгагч нар хамтран хяналт, шалгалт явуулж байна. Тодруулбал, Нийслэлийн Засаг даргын 2012 оны А/724 тоот захирамжийг хэрэгжүүлэх, Энхтайваны өргөн чөлөөний зорчих хэсгийн нэгдүгээр эгнээнд нийтийн тээврийн үйлчилгээний автобусны хөдөлгөөнд саад учруулж байгаа тээврийн хэрэгслийн зөрчлийг илрүүлэх, таслан зогсоох, хөдөлгөөний аюулгүй байдлыг хангах, нийтийн тээврийн хэрэгслийг цагийн хуваарийн  дагуу үйлчилгээнд ажиллуулах, иргэдийг нийтийн тээврийн хэрэгслээр ая тухтай, хурдан шуурхай, аюулгүй зорчих нөхцөлийг бүрдүүлэх зорилгоор хяналт шалгалтын ажлыг эхлүүлээд байгаа юм.

Тус шалгалтыг ирэх зургаадугаар сарын 15-ны өдөр хүртэл хугацаанд Энхтайваны өргөн чөлөөний 5 шарын автобусны зогсоолоос Офицеруудийн ордны тойрог хүртэлх автозамын зорчих хэсгийн нэгдүгээр эгнээ болон автобусны  зогсоолуудад явуулна. Шалгалтын хүрээнд автозамын зорчих хэсгийн нэгдүгээр эгнээнд автобусны хөдөлгөөнд саад учруулж байгаа тээврийн хэрэгсэл жолооч нарын зөрчлийг илрүүлж, фото зургаар баримтжуулан зөрчил гаргагчийн гэрийн хаягаар торгуулийн хуудсыг хүргүүлэх, дүүргүүдийн Замын Цагдаагийн Хэлтсийн хөдөлгөөнт эргүүлийн алба хаагч нар шаардлагатай тохиолдолд ачих, журамлах үйл ажиллагааг хэрэгжүүлэн ажиллах юм.

Иймд иргэд та бүхэн автозамын нэгдүгээр эгнээгээр зорчихгүй байх, нийтийн тээврийн хэрэгслийн зогсоолуудад замын хөдөлгөөний дүрэм зөрчиж зогсохгүй байх, зөвхөн зориулалтын зогсоолд автомашинаа зогсоож, замын хөдөлгөөнд соёлтой оролцохыг анхааруулж байна гэж Нийслэлийн Тээврийн газраас мэдээллээ.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (103.212.116.53) 2018-03-17 03:21
      • 0
      • 0

      ZOOVRIIN KAMER

      Хариулах

    • зочин

      (66.181.182.18) 2018-03-16 14:26
      • 0
      • 1

      өглөө талбайн урд талын төв зам дээр зогсоод зураг аваад байсан, ордны баруун талаар хойшоо эргэх гэж байгаа машин 1 дүгээр эгнээд орж байж л эргэнэ шүү дээ 2 дугаар эгнээнээс шууд эргэх гээд өөр машинууд гэрлээ дохиод шулуун замын хөдөлгөөнд саад болоод зогсож байна лээ, би 1 дүгээр эгнээд ороод явсан, бодвол торгууль ирэх биз, тэр замын чигээрээ 2 урсгалын баруун талд нь урд тал руу номын сан луу эргэх гээд машинууд эгнээгээ буруу эзлээд байнга зогсчихно, тэгээд нэг л эгнээгээр чигээрээ чихэлддэг шүү дээ, хаа хаанаа бодмоор л юм

      Хариулах

    • Зочин

      (66.181.182.18) 2018-03-16 14:27
      • 0
      • 1

      зүүн талын урсгалд нь шүү залруулга

      Хариулах