Төрсөн сарын тань зан чанарыг модоор илэрхийлэхүй...

Twitter Print
2018 оны 05-р сар 24-нд 12:07 цагт
Мэдээний зураг,

Хүн бүрт төрсөн сарын мод гэж байдаг гэнэ. Харин энэхүү модоор дамжуулан таны зан чанар тодорхойлогддог гэвэл та итгэх үү. Юутай ч уншаад үз. 

Нэгдүгээр сар – Алимны мод

Та ойлголцоход амархан, аливаа зүйлд мэдрэмжтэй хандан сайн сонголт хийж чаддаг үзэсгэлэнтэй бие галбиртай хүн. Бусдыг анхааралтай сонсож чаддаг, яг зөв үед нь зөв хариулт өгч чаддаг. Бусдыг дайлж цайлж, баярлуулахдаа гаргууд. Таны сайхан сэтгэл, өгөөмөр хандлагад хүмүүс асар ихээр татагдаж талархалтай ханддаг. 

Хоёрдугаар сар – Бургас

Амьдрал чамайг ямар хэцүү байдалд оруулсан ч та даваад гардаг. Та амьдралдаа олон хэцүү даваа, сорилттой тулгарсан боловч ямагт хүчтэй байсаар ирсэн. Хүмүүс чамайг доош нь хийхийг оролдож байсан ч та бол хамгийн өөдрөг нэгэн бөгөөд итгэл найдвараа хэзээ ч алддаггүй. Чамд ямар ч муу зүйл, бүтэлгүйтэл тохиолдсон хэзээд давж гарсаар байх болно. 

Гуравдугаар сар – Агч мод

Бодож санаж буй зүйлээ ямар ч айдасгүйгээ гаргаж хэлж чаддаг. Тиймдээ ч сэтгэлдээ нууж хаах зүйлгүй, тун ч илэн далангүй хүн. Өөрийн итгэл үнэмшилдээ үнэнч. Өөрийн үйлдлээ зөв гэдгээ мэдэрдэг. Иймд өөрийн бодол санаагаа хамгаалахаар хамгийн цэх зогсож чаддаг хүн гэвэл та юм.

Та бол маш хүнлэг энэрэнгүй хүн. Өөрийн ойр дотныхон болоод эргэн тойрондоо хайр энэрэл, халамж, тус түгээж байдаг. Тэдэндээ хэрэгтэй цагт нь сэтгэлийн дэм харамгүй үзүүлдэг. Та бусдын зовлон шаналал, уйтгар гунигийг хуваалцаж үргээх чадвартай. Энэ бол танд байгалаас заяасан гайхамшигт бэлэг. Хүмүүс танд итгэж найдаж болно гэдгээ мэддэг.

Дөрөвдүгээр сар – Хайлаас мод

Та бол аливаа зүйлийг засч залруулахын төлөө төрсөн хүн. Гарын ур дүйтэй, аливаа зүйлийн эвийг олохдоо гаргууд. Тиймдээ ч хэн нэгэнд тавилгаа угсрах, номын тавиур босгох, угаалтуурын бөглөө гаргах хэрэг гарвал та дор нь янзлаад өгч чадна. Ямар ч зүйлд түүртдэггүй бөгөөд хүмүүс таныг их олон зүйлийг төвөггүйгээр хийх чадвартайд гайхдаг. Та хийж буй зүйлдээ 100 хувь анхаарал, сэтгэлээ зориулж хийдэг тул таны хийсэн бүхэн бусдад таалагдаж, амжилт олж байдаг. Иймдээ ч олон хүн тантай үерхэж нөхөрлөж, түших тулгуураа хэмээн итгэдэг. 

Тавдугаар сар – Инжир жимсний мод

Амжилтанд хүрэх асар их хүсэл тэмүүлэл тань таныг маш их зорилготой, зорилгодоо хүрэхийн тулд юуг ч замаасаа зайлуулж чадах чадварт сургажээ. Аливаа зүйлийг хийхдээ эрсдлээс эмээдэггүй тул бусдын айгаад хүрч чаддаггүй зүйлийг ч та аймшиггүйгээр барьж авах чадвартай. Хүнд хэцүү сорилыг та амжилтанд хүрэх нууцын түлхүүр хэмээн хүлээн авдаг. Тиймдээ ч та үргэлж ялж, урагшилж байдаг. Таны энэ чанар бусдад мөн урагшлах, хичээх, амжилтанд хүрэх урам зориг өгч зоригжуулж байдаг. Та бол бусдын өмнө бамбар асаагч юм. 

Зургаадугаар сар – Интоорын мод

Та бол хамгийн ажилсаг хүн. Хийсэн бүхэндээ сэтгэл зүрхээ зориулж байдаг. Аливаа зүйлийг хийхдээ 100 хувийн сэтгэл ханамжтай хийнэ. Таны гараас дутуу дулимаг юу ч гарахгүй. Энэ нь танд дандаа морь нохой мэт ажиллаад өөртөө цаг зав гаргадаггүй гэвэл худлаа. Учир нь та хүмүүстэй сайхан харилцаа үүсгэж, найз нөхөдтэй болж, хамт хөгжилдөх дуртай. Та хүмүүсийг яриагаараа татаж мөн тэр хэрээрээ хүмүүсийг анхааралтай сонсох чадвартай. Иймдээ ч та олон найз нөхөдтэй тун ч нөхөрсөг хүн. 

Долоодугаар сар – Хушганы мод

Та бол аз жаргалаар гэрэлтсэн хүн. Өчүүхэн зүйлээс ч амьдралын баяр баясгаланг мэдэрч чаддаг. Дотоод сэтгэлдээ амар амгалан, аз жаргалыг олсон хүн. Тиймдээ таны эргэн тойронд болж буй таагүй явдал, уур бухимдал таны дотоод сэтгэлдээ олсон амар амгалан эвдэж, цөмрөн орж чадахгүй. Таны эргэн тойрон, амар амгалан, аз жаргал, инээмсэглэл, дотно харилцаа ноёлж байдаг. Таны энэ байдал бусдад ч сайнаар нөлөөлж, аз жаргалтай болгож чаддаг.

Наймдугаар сар – Царс мод

Та бүх хүнд сайн сайхан зүйл авчирдаг. Тааламгүй өдөр байлаа ч та царс мод шиг эгц шулуун зогсож, өнгөрөөж чаддаг. Муу зүйл тохиолдлоо ч зовлон дундуур инээмсэглэж, сэтгэлийн хатаар бүхнийг давж туулдаг чадвартай хүн юм. Иймд аливаа муу зүйл тохиолдсон найз нөхөд тань "аврал эрэх"-ээр өөр лүү тань очдог. Та тэдний хувьд бол авралын бурхан юм. Та сайхан инээмсэглэдэг, бусдад аз жаргал түгээдэг, тайвшруулж, сэтгэлийн дэм өгдөг. Та энэ ертөнцөд бусдын зовлон шаналлыг нимгэрүүлж, аз жаргал түгээхээр ирсэн. 

Есдүгээр сар – Далдуу мод

Та бол хамгийн хүчирхэг хүн. Амьдралдаа олон зүйлд амжилт олно. Амьдралдаа өөрийн мөрдөх хатуу чанд сахилга бат, дүрэм журамтай. Өөрийн зөн совин, дотоод сэтгэлдээ захирагддаг. Дотоод сэтгэл, харилцаа, итгэл үнэмшилдээ тун ч үнэнч тул гадны ямар ч нөлөөнд автахгүй, нугарахгүй. Энэ ч чанараараа олон хүний итгэлийг хүлээдэг. Танд хүмүүс итгэж найддаг.

Аравдугаар сар – Чидун жимсний мод

Аймшиггүй гэдэг нэр танд маш сайн зохино. Учир нь та шинэ сорилт, шинэ газар луу аялах гээд аливаа шинэ сорилттой зүйлд хэзээ ч үгүй гэж хэлж байгаагүй. Нууцлаг шинэлэг бүхэн таныг урин дууддаг. Та бол гайхамшигтай аялагч, тав туханд шигдэгсдийг суга татан гаргаж, шинэ зүйл рүү оруулж сэтгэлийг нь сэргээж, урам зориг хайрлаж чаддаг. Олон зүйлийг сорьж, мэдлэг туршлага хуримтлуулж, залуу насандаа "юм үзэж нүд тайлах" зорилготой. Хөгжилдөж цэнгэлдэх дуртай. Хэзээ ч ядрахгүй эрч хүчтэй. Бусдад урам зориг өгч, бусдыг байлдан дагуулах чадвартай. Хүмүүс таныг биширдэг.

Арваннэгдүгээр сар – Жүржийн мод

Та бол бүх хүний хувьд хамгийн дулаан тав тухтай орон болж өгдөг. Амьдралын зорилго мөн чанар, амжилтын үндэс нь хураасан материаллаг эд баялагаар хэмжигдэхгүй, харин бусдад хайр түгээж, бусдын төлөө санаа тавьж, хайрлаж хүндлэх явдал гэдгийг та ойлгосон. Та бусдыг энэрч, хайрлаж, ачилж, тусалж байдгийнхаа хэрээр бусдын хайрыг татсан хүн. Та сайн муу аливаа зүйлд унаж тусаж, үсэрч босохгүйгээр сэтгэлийн дотоод амар амгалан, сэтгэлийн хатыг олсон хүн. Таны сэтгэлийн дэм, тус, хайрыг авсан, мэдэрсэн хүн мөн л тийм замаар бусдад хайр түгээж явдаг. 

Арванхоёрдугаар сар – Гацуур

Та бол гал цогтой хүн. Зогсолтгүй тэмцэгч. Зарим хүнд зөрүүд гөжүүд санагдаж магад. Том жижиг гэлтгүй шударга бус явдал таны цусыг ёстой л нэг буцалгаж, цөсийг хөөргөдөг. Та шударга бус явдалтай хэзээ ч үл эвлэрэгч, тэмцэгч. Танд захиалснаас тань өөр хоол ирсэн, шударга бусын төлөөх улс төрийн жагсаал цуглаан хийсэн аль нь ч ялгаагүй чухал асуудал. Аливаа зүйл ном журмаараа, хэв хэмжээндээ байх ёстой гэж та үздэг. Муу муухайгаасаа илүү шударга ёс тогтоохыг хүсэгчид илүү олон байдаг болохоор танд хамтран зүтгэгчид, санаа бодол нэгт найз нөхөд гээд олон тойрон хүрээлэгчидтэй. Үзэл бодлоор нэгдэгчид ч олон. Нэг ёсондоо нийгэмд шударга ёсыг тогтоогчид тул хүмүүс таныг хүндэлдэг.

Эх сурвалж: Healing Heart

Англи хэлнээс орчуулсан: 

Сэтгүүлч Ц.Мөнхбаяр

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.