Ганц тохиолдсон зовлон бэрхшээлээс болж бусад аз жаргал, баяр цэнгэлээ бүү үгүй хий /Сургамжит өгүүллэг/

Twitter Print
2017 оны 12-р сар 17-нд 14:01 цагт
Мэдээний зураг,

Нэг хүн дөрвөн хүүгийнхээ хамт амьдран суудаг байж гэнэ. Тэрээр хөвгүүддээ бусдыг яаран дүгнэхгүй байхыг ойлгуулах санаатай: "Aлс хол нэгэн лийрний мод бий. Тэр модон дээр очоод ир" хэмээн ууган хүүгээ өвөл, удаахь хүүгээ хавар, гуравдахь хүүгээ зун цагаар, харин отгон хүүгээ намар явуулж гэнэ.

Хөвгүүд нь ч хэлсэн ёсоор нь өнөөх модон дээр ээлж дараалан оччихоод ирж гэнэ.

Хөвгүүдээ иргэж ирмэгц аав нь юу олж харсныг асууж гэнэ. Ууган хүү нь өнгө үзэмж муутайхан тахир мод байсан гэв. Удаахь хүү нь өнөөх модыг зулзаган нахиагаар дүүрэн байгаа нь итгэл найдвар төрүүлэх мэт санагдсан гэв.

Гуравдахь хүү нь ах нартайгаа санал нийлсэнгүй... Лийрний мод анхилуун үнэртэй, гоёмсог цэцэгсээр битүү хучаастай байгаа нь түүний амьдралдаа харсан хамгийн үзэсгэлэнтэй зүйл байсан гэлээ.

Харин отгон хүү нь бусдынхаа үгийг няцааж, амтат үр жимсээ дааж ядан ганхах мод түүнд амьдралын утга учрыг ойлгуулах шиг санагдсан гэжээ. Тэгэхэд аав нь хөвгүүддээ хандаж :

-Та нарын түмэн зөв... Учир нь та нар тэр модны амьдралынх нь нэгээхэн хэсгийг л харсан. Бусдын амьдралыг аль нэг хэсгээр хэзээ ч битгий дүгнэж байгаарай. Хүний мөн чанар, амьдрал нь утга төгөлдөр байсан эсэх нь эцэстээ л харагддаг юм.

Өвөл цагийг хахир хатуу хэмээн бууж өгөх аваас урин хаврын итгэл найдварыг, дэлгэр зуны гоо үзэсгэлэнг, налгар намрын үр шимийг хэрхэн үзэх билээ. Нэг улиралд амссан зовлон бэрхшээлээс болж бусад улиралд эдлэх аз жаргал, баяр цэнгэлээ бүү үгүй хий.

Хүндхэн өнгөрсөн ганцхан улирлаар бүх амьдралыг бүү дүгнэ. Хүнд хэцүү үеийг цөхрөлтгүй даван туулахад сайн сайхан цаг эрт орой хэзээ нэгэн цагт заавал ирдэг юм гэжээ.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.