Нийслэлийн хөрөнгө оруулалтыг хариуцах удирдах хороог байгууллаа

Twitter Print
2013 оны 10-р сар 23-нд 10:36 цагт
Мэдээний зураг,

Нийслэлийн Засаг дарга “Удирдах хороо байгуулах тухай” А/955 тоот захирамж гаргалаа. Захирамжийн дагуу  Улаанбаатар хотыг 2020 он хүртэл хөгжүүлэх ерөнхий төлөвлөгөө, 2030 он хүртэлх хөгжлийн чиг хандлагатай уялдуулан Нийслэлийн хөрөнгө оруулалтын үйл ажиллагааг журамлах, 2014-2021 онуудад хийгдэх хөрөнгө оруулалтын хөтөлбөр боловсруулах зорилгоор Хөрөнгө оруулалтын удирдах хороог байгууллаа. 

Тус хорооны даргаар нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбат ажиллах бөгөөд холбогдох агентлаг, хэлтсийн дарга нар гишүүнээр ажиллана.  Харин “Хөрөнгө оруулалтын удирдах хороо”-ны Техникийн зөвлөлийг  Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал удирдана. Энэ хороо нь нийслэлийн хөрөнгө оруулалтын бүхий л асуудлыг хариуцан ажиллах юм гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.