Сонирхогчдын бодибилдинг фитнесийн ДАШТ маргааш эхэлнэ

Twitter Print
2017 оны 10-р сар 05-нд 08:57 цагт
Мэдээний зураг,

Энэ жил Улаанбаатар хотод хэд хэдэн ОУ-ын чанартай тэмцээн уралдаанууд болохын нэг нь Сонирхогчдын бодибилдинг фитнесийн ДАШТ юм. Ес дэх удаагаа зохиогдож байгаа уг тэмцээнийг Монгол Улс анх удаа хүлээн авч байгаа бөгөөд нийт 400 гаруй тамирчин оролцохоор Улаанбаатар хотод хүрэлцэн ирээд байгаа аж.

Дэлхийн бодибилдинг фитнесийн холбоо (WBPSF) –с тус тэмцээнийг зохион байгуулдаг бөгөөд өөрийн гишүүнчлэлтэй 134 орны баг тамирчдыг нээлттэйгээр оролцуулдаг уламжлалтай.  

Энэ жилийн тэмцээнд оролцогчид залуучууд, насанд хүрэгчид, ахмад гэсэн гурван насны ангилалаар, 42 багц медалийн төлөө өрсөлдөх аж. Шагнал урамшууллын хувьд ангилал тус бүрийн ялагчдыг тодруулахаас гадна фитнес модель, бодибилдинг моделуудыг тодруулах юм. Tэмцээний гол шагнал нь Mr Universe юм. Энэхүү шагналыг бүх жингийн аваргууд дундаас тодруулдаг бөгөөд ДАШТ-ий хамгийн нэр хүндтэй шагналд тооцогдоно.

Ес дэх удаагийн Сонихогчдын бодибилдинг фитнесийн ДАШТ маргааш Улаанбаатар Палас цогцолборын их танхимд эхлэх бөгөөд гурван өдөр үргэлжилнэ.  

Э.Гүнтөмөр

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.