Д.Отгондалай хүрэл медаль хүртлээ

Twitter Print
2017 оны 09-р сар 02-нд 08:30 цагт
Мэдээний зураг,

Германы Хамбург хотноо болж буй боксын ДАШТ-ий хагас шигшээ тулаанууд өнгөрсөн шөнө боллоо. Манайхаас 60 кг-д өрсөлдсөн Олимпын хүрэл медальт, Азийн аварга, Азийн тоглолтын аварга Д.Отгондалай мөнгөн медалийн төлөө Францын тамирчин Софиан Омияадтай тулсан юм.

Өмнө нь Рио-2016 олимпын наадамд хоёр тамирчин мөнгөн медалийн төлөө тулалдаж, Францын боксчин  ялалт авч байсан билээ. Харин дэлхийн аваргын рингэнд дахин учраа таарахад мөн л Францын тамирчин ялалт байгууллаа. 

Ингэснээр Д.Отгондалай дэлхийн аваргаас хүрэл медаль хүртэж, Олимп, дэлхийн хос медальтай Монголын дөрөв дэх боксчин боллоо. Өмнө нь Э.Бадар-Ууган, П.Сэрдамба, У.Мөнх-Эрдэнэ нар олимп, дэлхийн хос медаль хүртэж байсан билээ. 

Э.Гүнтөмөр

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.