Х.Баттулга: Богино хугацаанд сэргэн мандах боломжтой бүх ажлуудыг эхлүүлнэ

Twitter Print
2017 оны 07-р сар 14-нд 13:34 цагт
Мэдээний зураг,

Тулгар төрийн 2226, Их Монгол Улсын 811 жил, Ардын хувьсгалын 96 жилийн ойн баяр наадмын үеэр шинэ ерөнхийлөгч Х.Баттулгаас товч ярилцлага авсныг уншигч танд хүргэе. 

-Монгол Улсын тав дахь Ерөнхийлөгчөөр сонгогдсон танд баяр хүргэе. Тулгар төрийн 2226, Их Монгол Улсын 811 жил, Ардын хувьсгалын 96 жилийн ойн баяр наадмын сэтгэгдлээсээ хуваалцана уу?

-Наадам сайхан боллоо. Ерөнхийлөгчийн сонгууль хугацаа багатай, хоёр шатны санал хураалт наадамтай тун ойрхон болж өнгөрсөн. Сонгуулийн эцсийн дүн долдугаар сарын 8-нд гарсан нь өөрийнхөө хувьд наадмын нээлтэд бэлтгэл муутай оролцлоо. Улсын наадмыг хүүхэд байхаасаа аавтайгаа хамт бөхийн асраас үздэг байсан.

-Магадгүй энэ жилийн наадам таны амьдралын хамгийн дурсамжтай наадам байсан болов уу?   

-Бөхөө хажуугаас нь үздэг байсан. Энэ жил индэр дээрээс наадмаа нээж, наадмаа үзлээ. Их сонин л байдаг юм байна.

-Та Ерөнхийлөгчийн тангаргаа өргөсний дараа Ерөнхийлөгчийн тамгын газраа эмхлэн зохион байгуулсан.  Ард олон нийт рүүгээ хандсан хамгийн эхний ажил тань юу байх вэ?

-Наадмын дараагаас Ерөнхийлөгчийн Тамгын газрын дарга, хамт олон, намынхантайгаа ярьж, төлөвлөсөн тодорхой ажлуудыг эхлүүлэхээр төлөвлөгөө гаргасан байгаа. Би өөрөө бизнесийн давхаргаас улс төрд орсон учраас арай илүү прагматик шийдвэрүүд гаргах нь бусад Ерөнхийлөгчдөөс онцлог байх болов уу гэж бодож байна. Мэдээж энэ олон хүмүүсийн итгэлийг яаж хариулах, дааж явах вэ гэдэг асуудалд илүү их санаа зовж явж байна.

-Та дөрвөн жилийн дараах Монголыг хэрхэн төсөөлж байгаа вэ?

-Миний олон жил бодож, мөрөөдөж явсан зүйл бол баян уудам нутагтай, олон зуун, мянганы түүхтэй төрт ёст энэ улсыг маш богино хугацаанд сэргэн мандах боломжтой бүх ажлуудыг эхлүүлнэ. Дөрвөн жил гэдэг харахад урт хугацаа юм шиг хэрнээ ажил эрчимжээд ирэхэд  богинохон хугацаа байдаг. Тиймээс бодож, төлөвлөж явсан мөрөөдлөө төлөвлөөд эхлүүлсэн, зарим ажлыг нь дуусгасан байх болов уу гэсэн бодолтой байна.

Сэтгүүлч Д.Энхтүвшин

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Soongo

      (66.181.178.69) 2017-07-15 07:45
      • 0
      • 0

      Яг тэгэж сэтгэлээсээ бодож байгаа бол би таньд маш энгийн аргыг нь заагаад өгье, ямар ч наймаа энэ тэр байхгүй тухайн тухайн салбарт нь яг чадалтай мэргэжлийн, мөнгө албан тушаал боддоггүй, зөвхөн тухайн ажлаа хийсэн шиг хийж ажил хэрэг болгодог хүмүүсээр ажил хийлгээрэй, тэгээд боллоо, манай зөндөө тийм хүмүүс байгаа шүү, таньд тусалсан хүмүүс бол чадваргүй хүмүүс шүү, тэдэндээ жаахан мөнгө л өгчих, гүйцэтгэх ажил хийх албан тушаалаас хол байлгаарай

      Хариулах