1000 айлын түр оршин суух орон сууцны төслийн ажлыг түргэвчлэнэ

Twitter Print
2017 оны 04-р сар 19-нд 10:00 цагт
Мэдээний зураг,

Барилга, хот байгуулалтын сайд Г.Мөнхбаяр БНХАУ-ын Гадаад тусламжийн газрын Азийн хэлтсий эдийн засаг, худалдааны нарийн бичгийн дарга Цао Жяныг хүлээн авч уулзлаа.

Уулзалтад Монгол Улсын БХБЯ, Сангийн яам, Эрчим хүчний салбарын төлөөлөл болон Нийслэлийн Засаг даргын орлогч П.Баярхүү нар оролцов. Энэ үеэр БНХАУ-ын Засгийн газрын буцалтгүй тусламжийн хүрээнд 1000 айлын түр оршин суух орон сууц баригдах төслийн ажлыг түргэвчлэхээр ярилцлаа.

Барилга, хот байгуулалтын яамны төлөөлөл энэ сарын 10-12-нд БНХАУ-ын Орон сууц, хот хөдөөгийн сайдын урилгаар албан ёсны айлчлал хийх үеэрээ дээрх төслийг танилцуулсан аж. Одоогоор Монголын талаас уг барилгыг барих газар, дулаан, эрчим хүч, дэд бүтэц, барилгын зураг төсөл бэлэн болж зөвхөн ажлаа эхлэхэд бэлэн болоод байна.

Барилга, хот байгуулалтын сайд Г.Мөнхбаяр “Хоёр талын Засгийн газрын түвшинд асуудал шийдэгдсэн тул барилгын ажлыг эхлэх цаг болсон.

Байгаль орчинд хор нөлөөгүй, буцалтгүй тусламжийн хүрээнд хийгдэж байгаа учраас чанар, хурдад яарч байна. Миний бие энэ төслөөс гадна Азийн хөгжлийн банкнаас хэрэгжүүлж буй зарим төслийн ажлын хэсгийг ахалж байгаа, тэдэнтэй харьцуулбал энэ төсөл харьцангуй удааширч байгаад мэргэжлийн хүний хувьд яарч байна ” хэмээлээ.

Харин БНХАУ-ын Гадаад тусламжийн газрын Азийн хэлтсийн эдийн засаг, худалдааны нарийн бичгийн дарга Цао Жян “Таныг мэргэжлийн хүний хувьд яарч, мэддэг чаддаг ажлаа цаасан дээрх үг биш бодит ажил болгож харахыг хүсч байгааг ойлгож байна. Ирэх тавдугаар сарын эхээр манай талаас зөвлөх компаниа ирүүлж ажлыг түргэвчлүүлэхэд анхаарч ажиллана” гэв.

Г.Ганаа

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.