НЗДТГ, Дэлхийн банк нийгмийн эгэх хариуцлагыг бэхжүүлэх чиглэлээр хамтарна

Twitter Print
2017 оны 03-р сар 27-нд 16:00 цагт
Мэдээний зураг,

Нийслэлийн Засаг даргын Тамгын газрын дарга М.Отгонбаяр, Дэлхийн банкны Монгол Улс дахь Суурин төлөөлөгч Жеймс Андерсон нар нийгмийн эгэх хариуцлагыг бэхжүүлэх чиглэлээр харилцан ойлголцлын санамж бичигт өнөөдөр гарын үсэг зурлаа.

Уг санамж бичгийн хүрээнд НЗДТГ, Дэлхийн банкны зүгээс нийслэлийн Чингэлтэй, Сонгинохайрхан, Баянзүрх дүүрэгт нийгмийн эгэх хариуцлагыг бэхжүүлэх дэд төслүүдийг хэрэгжүүлж, тэргүүний туршлагыг орон нутгийн болон үндэсний түвшинд түгээх, үзүүлэн таниулахад хамтран ажиллахаар болов.

Дэлхийн банк, Швейцарийн хөгжлийн агентлагийн хамтарсан санхүүжилттэй “Монгол Улсад нийгмийн эгэх хариуцлагыг бэхжүүлэх төсөл”-ийг Дэлхийн банкнаас хэрэгжүүлж байгаа юм. Төсөл нь иргэн-төрийн эргэх холбоог сайжруулах замаар төрийн үйлчилгээний хүртээмж, чанарыг сайжруулах зорилготой байна.

Г.Ганаа

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.