Хүүхдийн мөнгийг нөхөн олгохгүй

Twitter Print
2017 оны 03-р сар 27-нд 13:16 цагт
Мэдээний зураг,

Сангийн яамнаас 2017 төсвийн тодотголыг УИХ-д өргөн бариад буй. Төсвийн тодотголыг хаврын чуулганы эхэнд хэлэлцэх бөгөөд ОУВС-гийн Өргөтгөсөн санхүүжилтийн хөтөлбөрт хамрагдахын тулд долоон төрлийн татварыг нэмэх болон төсвийн зарлагыг бууруулах чиглэлд зарим асуудлуудыг тусгаж өгөөд байгаа юм.

Энэ хүрээнд хүүхдийн мөнгийг зорилтот бүлэгт олгохоор болж, нөхөн олголт хийхгүй байхаар төсвийн тодотголд тусгаад байна. Өмнө нь эрх баригч намын зүгээс эдийн засгийн хүндрэлтэй  холбогдуулан, хүүхдийн мөнгийг нийт хүүхдийн 60 хувьд олгох шийдвэр гаргаад байсан. Харин 2019 оноос нийт хүүхдүүдэд жигд байдлаар хүүхдийн мөнгийг олгохдоо өмнө нь аваагүй үлдээд байсан /40 хувь/ хүүхдийн мөнгийг нөхөн олгохоор зохицуулаад байсан юм.

Гэвч ОУВС-гийн Өргөтгөсөн санхүүжилтийн хөтөлбөрт хамрагдахын тулд хүүхдийн мөнгийг зөвхөн зорилтот бүлэгт олгохоор болсон. Энэ нь нийт хүүхдийн 40 хувь бөгөөд одоогийн олгогдож буй 60 хувиас 20 хувийг нь хасна гэсэн үг юм. Ингэхдээ хасагдаж буй 20 хувийн мөнгийг зорилтот бүлгийн өрхүүдэд хоолны талон хэлбэрээр олгох зохицуулалт хийх аж. Зорилтот бүлгийн өрхүүдийн нэгдсэн судалгааг гаргах зорилгоор Өрхийн амжиргааны түвшинг тогтоох судалгааг дахин эхлүүлээд байгаа юм.

Г.Ганаа

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (89.102.242.62) 2017-03-28 20:00
      • 0
      • 0

      ёстой нээрээ новширч өгөх юмаа

      Хариулах

    • Зочин

      (150.129.140.43) 2017-03-27 18:22
      • 0
      • 0

      Ямар лайтайн бээ. Өгнө өгөхгүй гээд тоглочих юмаа

      Хариулах