Сүхбаатар аймаг өндөржүүсэн бэлэн байдалд шилжив

Twitter Print
2017 оны 02-р сар 04-нд 11:26 цагт
Мэдээний зураг,

Сүхбаатар аймгийн Засаг дарга өчигдөр /2017.02.03/ "Гамшгаас хамгаалах өндөржүүлсэн бэлэн байдлын зэрэгт шилжүүлэх тухай" захирамж гаргажээ.

Захирамжаар тус аймгийн Эрдэнэцагаан, Асгат сумдад малын гоц халдварт шүлхий халдварт өвчин оношлогдож, Баруун-Урт, Сүхбаатар сумдад өвчний шинж тэмдэг илэрч, өвчний тархалт нэмэгдэх хандлагатай байгаа тул хоёрдугаар сарын 3-ны өдрөөс эхлэн Гамшгаас хамгаалах өндөржүүлсэн бэлэн байдлын зэрэгт шилжүүлэхийг үүрэг болгосон байна.

Иймд Сүхбаатар аймгийн хэмжээнд өчигдрөөс эхлэн гамшгаас хамгаалах өндөржүүлсэн бэлэн байдлын зэрэгт шилжиж, олон нийтийн аливаа үйл ажиллагааг тодорхой бус хугацаагаар хоригложээ.

Засаг даргынх нь гаргасан энэхүү шийдвэр ирэх даваа гаригт Сүхбаатар аймгийн Ардчилсан намын гишүүдээс хийх жагсаалтай холбоотойгоор урьдчилан авч буй арга хэмжээ байж болох талтай гэсэн хардлагыг иргэд мөн хэлж байгаа. Гэхдээ аймгийн хэмжээнд хэд, хэдэн сумдад малын гоц халдварт өвчин гарсан нь дээрх арга хэмжээг авахаас аргагүйд хүргэсэнийг ойлгох ёстой гэж орон нутгийн иргэд мөн ярьж байна.

Г.Ганаа

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.