“Аякс”-ын гайхамшигт түүх ард хоцорчээ

Twitter Print
2014 оны 02-р сар 28-нд 10:11 цагт
Мэдээний зураг,
 

Европын хөлбөмбөгийн холбооны “Европа лиг” тэмцээний шилдэг 32 багийн хариу тоглолтууд урд шөнө боллоо.

Хэсгийн шатны 24 баг, “Аваргуудын лиг”-ээс хасагдсан 8 багтай оноолтоор таарч тоглоход “Бетис”-“Рубин” 2:0 (нийлбэр дүн 3-1), “Наполи”-“Соунси” 3:1 (3-1), “Севийя”-“Марибор” 2:1 (4-3), “Викториа Плзен”-“Шахтёр” 2:1 (3-2), “Людогредс”-“Лацио” 3:3 (4-3), “Зайлцбург”-“Аякс” 3:1 (6-1), “Базел”-“М.Тел-Авив” 3:0 (3-0), “Порту”-“Франкфурт” 3:3 (5-5 Порту айлын талбай дээр илүү гоол оруулсан), “Анжи”-“Генк” 2:0 (2-0), “Валенсиа”-“Динамо Киев” 0:0 (2-0), “Бенфинка”-“ПАОК” 3:0 (4-0), “Аз Алакмар”-“Либерич” 1:1 (2-1), “Фиорентина”-“Эльфсборг” 1:1 (4-2), “Лион”-“Одессеа” 1:0 (1-0), “Ювентус”-“Трабзонсбор” 2:0 (4-0), “Тоттенхэм”-“Днепр” 3:1 (3-2)-оор тус тус хожсон аж.

Шөвгийн 16-гийн тоглолтууд ирэх сарын 13-нд болох бөгөөд “Анжи”-“Аз Алкмаар”, “Людогредс”-“Валенсиа”, “Порту”-“Наполи”, “Лион”-“Викториа Плзен”, “Бетис”-“Севийя”, “Тоттенхэм”-“Бенфика”, “Базел”-“Зайлцбург”, “Ювентус”-“Фиорентина” багууд хоорондоо учраа таарчээ.

Шилдэг 32 багийн тулаанд Европын томоохон багуудаас “Аякс”, “Динамо Киев”, “Шахтёр”, “Лацио” өрсөлдөгч нартаа ялагдав. Тэр дундаа Голландын аварга “Аякс” 1995 онд “Аваргуудын лиг”-т түрүүлж тогтмол өндөр амжилт гаргадаг байсан. Харин супер довтлогчид нь зодог тайлж “Улбар шарууд”-ын залуучууд гадаадын лигт тоглосноор “Аякс” өдгөө доод түвшины хэмжээнд очсон нь харагдаж байлаа.

М. Золбаатар

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.