Төрийн соёрхолт Ж.Дашдондог - Би /Хүүхдийн шүлэг/

Twitter Print
2017 оны 05-р сар 14-нд 13:19 цагт
Мэдээний зураг,

Би

Хоёр гартай

Хоёр гартаа

Дэндүү бяртай

Ачааны тэргийг ганц гараараа

Агшин зуур өргөж орхино.

Хот сууринг хоёр гараараа

Хоромхон зуур барьж чадна

Энэ –

Хэний гар вэ?

Миний л гар даа!

Би –

Хоёр хөлтэй

Хоёр хөлдөө

Хурд ихтэй

Саахалтын өвөө бие муудав

Сандран гүйсээр эмч дуудав

Амжиж хурдан гүйсний хүчинд

Азай буурал өвөө эдгэрэв

Энэ –

Хэний хөл вэ?

Миний л хөл дөө!

Би –

Хоёр нүдтэй

Хараа сайтай

Хоёр нүдтэй

Тэртээх барааг айлын өвөөд

Тэрхэн дор нь ялгаад хэлнэ

Тэвнийг эмээд, зүүг эгчид

Түргэн дор нь сүвлээд өгнө

Энэ –

Хэний нүд вэ?

Миний л нүд дээ!

Би –

Хоёр чихтэй

Сонор сайтай

Хоёр чихтэй

Айлчин шувууны шуугиа уяхан

Анхны борооны шаагиа гоёхон

Шилийн тарианы шивнээ сонихон

Шинэхэн цасны чахрхаа содхон

Энэ –

Хэний чих вэ?

Миний л чих дээ!

Би –

Ганц амтай

Ярих дуртай

Ганц амтай

Аав ээж юу л гэвэл За! гэнэ

Аяга таваг угаа гэвэл За! гэнэ

Ажилдаа явбал баяртай гэнэ

Энэ –

Хэний ам бэ?

Миний л ам даа!

Би –

Ганц хамартай

Үнэрт соргог

Ганц хамартай

Талын чимэг өнгийн цэцгийн

Тансаг сайхан үнэрт дуртай

Дарь хүхэр хар утааны

Давчдам муухай үнэрт дургүй

Энэ –

Хэний хамар вэ?

Миний л хамар даа!

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.