Анхны утасгүй чихэвч энэ сард худалдаанд гарна

Twitter Print
2016 оны 12-р сар 15-нд 09:09 цагт
Мэдээний зураг,

Гар утас төдийгүй нарийвчилсан технологийн салбартаа тэргүүн эгнээнд жагсдаг АНУ-ын Аpple компани технологийн дэвшлийн олон зүйлд анхдагч байж ирсэн. Энэ ч утгаараа тус компани өнгөрөгч 9-р сард өөрсдийн шинэ бүтээгдэхүүн болох Iphone-7-г танилцуулах үеэрээ утаснаас бүрэн хамааралгүй болсон анхны утасгүй чихэвчийг танилцуулсан. “EarPods”-той төстэй дизайн бүхий, утасгүй “AirPods” чихэвчийг 10-р сараас худалдаанд гаргана хэмээн төлөвлөж байсан ч компанийн зүгээс бүтээгдэхүүнээ зах зээлд нийлүүлэхэд хараахан бэлэн болоогүй гэсэн шалтгаанаар, худалдаанд гаргах хугацааг тодорхойгүй хугацаагаар хойшлуулаад байсан юм. Тэгвэл аpple компани Airpods чихэвчээ энэ сарын 21-нээс эхлэн албан ёсоор худалдаанд гаргах гэж байгаа тухай цахим хуудсандаа нийтэлжээ. Чихэвчний үнийн хувьд анх зарлаж байсан үнээсээ өөрчлөгдөөгүй 159 америк доллараар аpplе-ийн салбар дэлгүүрүүдээр худалдаалагдах бол хүргэлтийн үйлчилгээг зул сарын баяраас хойш үзүүлэхээр шийдвэрлэжээ.

Airpods-ийн тухайд өөр дээрээ цэнэг хураагууртай бөгөөд, чихэвчээ зориулалтынх нь хайрцагт хийж цэнэглэнэ, харин чихэвчийн цэнэгээ барих хугацаа 5 цаг байна. Мөн чихэвчиндээ хүрэхэд хариу үйлдэл хийнэ. Жишээ нь 2 товшиход Siri ажиллаж эхэлнэ. Америкийн гар утасны дагалдах хэрэгсэл үйлдвэрлэгч Spigen компани Airpods-т зориулж 10 америк долларын үнэтэй чихэвчний оосор зохион бүтээгээд байгаа юм. Учир нь тэд чихэвчинд нэг асуудал байгааг олж харсан нь ямар ч холбоосгүй салангид чихэвчийн нэг нь хаяагдахад хүрэх эрсдэл өндөр гэж үзжээ. Тиймээс тус компанийн зүгээс чихэвчийг хамтад нь бэхлэх зорилготой оосрыг зохион бүтээжээ.

Эх сурвалж: mnb.mn

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.