Ж.Батзандан АН-ын дарга болж нэг тэрбум 5 саяын өрөө төлөх үү?

2016 оны 12-р сар 01-нд 13:58 цагт
Мэдээний зураг,

Ардчилсан Нам арванхоёрдугаар сарын 6-нд болох Их хурлаараа даргаа сонгоно. УИХ-ын гишүүд, намын лидерүүдээс өрсөлдөх хүсэлтэй хэд хэдэн хүн байгаагийн дотор Ж.Батзандан гишүүний АН-ын даргын төлөөх амбиц хүчтэй илэрч байна.

Тэрээр “Би АН-ын дарга болвол Р.Амаржаргалыг ерөнхийлөгчийн сонгуульд өрсөлдүүлнэ” хэмээн мэдээлсэн. Ил мэдээлэл үүгээр хязгаарлагдах төдий боловч намын дарга болох гэсэн цаад шалтгааныг нь олон хувилбараар ярьж байна.

Иргэний хөдөлгөөнхнийг уул уурхайн томоохон төслүүдийг шантаажилж мөнгө авдаг байсан гэх хардлага бий. Намтарыг нь харвал нэг ТҮЦ ч ажиллуулж үзээгүй хүн яаж 1.4 тэрбумын хөрөнгөтэй болсон байх билээ.

Түүний хоолойд хутга тулгах шахсан өөр нэг асуудал бол банкуудаас авсан нэг тэрбум гаруй төгрөгийн зээл юм. Энэ тухайгаа АТГ-д өгдөг хөрөнгө орлогын мэдүүлэгтээ тусгасан хэрнээ сэтгүүлч Л.Мөнхбаясгалангийн асуултад “5 сая төгрөгийн цалингийн зээл л хүссэн” гэж булзсан. Тэр их хэмжээний зээлийг ямар зориулалтаар авсан байх вэ. Магадгүй УИХ- ын сонгуульд ялахын тулд цацаж орхисныг үгүйсгэхгүй.

Харин одоо Ж.Батзандан АН-ын дарга болсноор эрх мэдлийг булааж, намын нэрийн өмнөөс хувийн асуудлаа шийдвэрлэх, сурсан арга барилаараа ажиллах боломжтой болно гэсэн үг. Тиймээс түүнийг намын дарга болгож хэрхэвч болохгүй гэх сануулга гишүүд дэмжигчдийн амнаас ам дамжиж байна.

Эх сурвалж: "Зууны мэдээ" сонин

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.