Сурагчдад үйлчлэх шинэ автобусын эхний тавыг сургуулиудад хуваарилна

Twitter Print
2020 оны 10-р сар 13-нд 12:36 цагт
Мэдээний зураг,

Улаанбаатар хотын замын түгжрэлийг бууруулах ажлын хүрээнд хотын захын хорооллын сурагчдыг тээвэрлэх сургуулийн автобусыг өнгөрсөн хичээлийн жилээс явуулж эхэлсэн.

Энэ хичээлийн жилд нийслэлийн ерөнхий боловсролын сургуулийн сурагчдад үйлчлэх 200 шинэ автобус явуулах бөгөөд эхний таван автобусыг захын хорооллын сургуулиудад өнөөдөр хүлээлгэн өгөхөөр төв талбайд байрлуулжээ. Улаанбаатар хотод улсын 224 дунд сургууль бий. Эдгээр сургууль руу дунджаар 30 мянган сурагч нийтийн тээвэр болон автобусаар сургууль руугаа явдаг гэсэн судалгаа гарчээ.

Үүнээс эхний ээлжинд холоос явдаг 15 мянган сурагчийг дээрх 200 шинэ автобусаар тээвэрлэх боломжтой гэсэн судалгааг мэргэжлийн байгууллагаас 2018 онд хийсэн байна. Энэ нь БНХАУ-д үйлдвэрлэсэн хүүхэд тээвэрлэх олон улсын евро-5 стандарт хангасан дизель хөдөлгүүрт автобус. Сургуулийн автобус явуулснаар Улаанбаатар хотын замын түгжрэл буурна. Сурагчийн автобусыг хүүхдийн зуслан, төрөл бүрийн аяллын зориулалтаар хүүхэд тээвэрлэхэд давхар ашиглах юм байна. 

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.