Гэртээ эерэг энергийг бий болгохын тулд мөрдөх зөвлөмжүүд

Twitter Print
2018 оны 03-р сар 23-нд 09:30 цагт
Мэдээний зураг,

-Ус муугаас гадна сайн юмыг ч бас урсгаад гаргах тул усанд орж байхдаа бүү дуулаарай. Ерэн хувь хүртэл мөнгөжүүлсэн усанд орох нь бүр ч илүү таатай байх болно. Анагаах шидтэй гэдэг нь шинжлэх ухаанаар батлагдсан юм шүү. Ийм уснаас багаханыг хувинтай усанд хийгээд гэр орондоо цэвэрлэгээ хийвэл бүр сайн. Усанд орохдоо ч банндаа хийхэд таатай мэдрэмж төрүүлнэ.

-Ундны усыг хэрэглэхээсээ өмнө нэг савнаас нөгөө рүү нь яаралгүй аажуу юүлэх нь усыг энергижүүлэх бас нэг арга. Ямар ч өвчний үед ийм ус их тустай.

-Хааяа саунд орох их сайн гэдэг. Гэвч тэнд орсон хүн бүрийн биеэс гарах муу муухай энерги цугларсан байгаа тул их сайн цэвэрлэгээ, ариутгал хийгдсэн байх ёстойг анхаараарай.

-Ямар нэг төмөр эд зүйлсийн дуу муу энергийг хөөдөг, эргэн тойрон орчин болон хүний биеийг зөв зохицолд байлгадаг гэдэг.

-Хүмүүсийн мэдрэмж, туршлагаас харахад сүмийн хонхны чанга биш атлаа нэг хэмийн сонихон дуу хүний сэтгэлд нэгийг бодогдуулахаас гадна тэр муу бодлыг сарниаж, муу муухай бүхнийг хөөн зайлуулдаг гэдэг. Сүм хийдийн ойр элдэв хорхой шавьж, мэрэгчин амьтад харагддаггүй нь ийм учиртай.

-Чанга чимээ, хурц гэрэл ч мөн муу юмыг зайлуулдаг гэж эртний европын орнуудад үздэг байжээ.

-Гал муу энергийг саармагжуулдаг гэж үздэг тул шашин зан үйлийн элдэв ёслолууд ихэвчлэн галтай хийгддэг. Эрт цагт элдэв өвчнөөс урьдчилан сэргийлж мал адгуусаа болон хүүхдүүдээ хүртэл галаар ариусгадаг байжээ.

-Шөнө унтаж чадахгүй, нойр хулжаад байх нь ор байрлах газар чинь муу энерги байгаагийн шинж. Лаа бариад үзэхэд андашгүй. Лааны дөл сүүмэлзэж шажигнаад нэг л тогтуун биш байгаа нь энд ариусгал хэрэгтэйг сануулж байгаа хэрэг. Цагаан өнгийн лаа цэвэрлэж, улаан өнгийн лаа энергээр цэнэглэж өгдөг.

-Шатаж буй зомгол эсвэл ямар нэг модны хуурай мөчир зэргийг шатаагаад гэр орон дотуураа цагийн зүүний дагуу тойрог хий. Булан тохой болон хаалганы ойролцоо хэсэгхэн саатаж зогсоорой.

-Олон үндэстэн ястан эрт дээр цагаас сармис гэртээ өлгөн, муу муухайг хөөн зайлуулдаг шидэнд нь итгэдэг . Сэтгэлд таагүй газар сармисыг бүтнээр нь тавиад гурав хонуулж, дараа нь гэрээсээ хол шатаадаг. Нойр хулжаад байвал сармис жижиглэж толгойныхоо ойролцоо тавьдаг ч гэж ярьдаг. Ер нь ганц сармис ч биш, сонгины үнэр орчин тойрноо халдваргүйжүүлдэг гэж анагаах ухаанд үздэг.

-Сэтгэлд жихүүдэс төрүүлсэн, нүдэнд нэг л эвгүй харагдах аливаа зүйлсээс зайлсхийж явах хэрэгтэй. Энэ нь өөрийгөө хамгаалж байгаа явдал.

-Аливаа шинэ хувцас, эд юмсыг арц хүжээр ариусгаж, хувцсыг ядаж индүүдэж байж өмсөж занших хэрэгтэй.

-Сэтгэлд нэг сэжиг, таагүй мэдрэмж төрүүлэх эд юмыг мэддэг маани тарниа уншингаа нүцгэн гараараа биш бээлий хийж, эсвэл юмаар жийрэглэж бариад гэрээсээ гарга. Холхон аваачиж газар гортиг татаж байгаад шатаагаарай. Барьсан эд юм, бээлийгээ хамт шатаа. Дараа нь эргэж харахгүй, хэн нэгэнтэй юм ярилгүй гэртээ орж гараа сайтар угаан, өөрийгөө ариутгаарай.

-Гэрээ муу энергээс цэвэрлэж ариутгахын тулд дараах эд зүйлсийг гэртээ байлгах хэрэггүй. Мөн бусад зүйлсийг бас анхаараарай. Үүнд:

• Хагарсан цуурсан шил, шаазан, эд юмс

• Урагдаж цоорсон эсвэл хэн нэгний эзэнгүй юмс

• Осолд орсон, өвчтэй, нас барсан хүний хэрэглэж байсан хувцас, эд юмс

• Талийгаачдын зургийг ил, эсвэл амьд хүмүүсийнхтэй зэрэгцүүлж тавихгүй

• Шашны ном, эд зүйлийг буруу харуулж тавьж болохгүй

• Ширээн дээр дутуу идсэн, эсвэл хоолны үлдэгдэл тавьж хонуулахгүй

• Угаагаагүй бохир аяга, сав суулга хонуулах муу

• Хайч ангайлгаж тавих муу

• Хутга мэсний төрлийн зүйлийг үзүүрийг нь гэр лүүгээ харуулж тавих муу

• Уранхай цоорхой, эвдэрхий эд юмс байлгах хэрэггүй

• Хуурaмч, хулгайн юмс бүр ч хэрэггүй

• Бусдын үнэт эдлэл байлгах хэрэггүй

• Эд юмс эзнийхээ муу энергийг тээж явдаг тул харамсалтай эсвэл эмгэнэлтэйгээр амь үрэгдсэн зохиогчийн урлагийн бүтээл дэмий.

Бусдын нүдний хороос сэргийлж манайхны ярьдаг шиг цагаан, хар хэл амнаас сэргийлж шинэ байр сууцанд орох, сүр дуулиантай найр хурим хийх, гэр бүлийн ямар нэг хэрүүл маргааны дараа орон гэрээ заавал ч үгүй ариусгаж байх хэрэгтэй. Зочид олноороо цуглардаг, гэр бүлийнхэн олноороо цугларч хоорондын ажил хэргээ шийддэг бол тухай бүр гэр орондоо цэвэрлэгээ ариутгал хийж байх ёстой.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (202.9.41.92) 2017-08-19 12:27
      • 0
      • 0

      Хүн өөрөө өөрийгөө амь амьдралаа өвөг дээдсийн уламжлал ёсоороо нийгмийн хөгжлийн гол тулгуур болох боловсролоо дагаад, зөв явбал зөөлөн зөөлөн хорвоо нь аваад явчихна гэсэн үг шүү гэж бодож байна даа.

      Хариулах

    • Сайн

      (202.126.91.216) 2017-01-20 17:02
      • 0
      • 0

      Талийгаач аав ээжийнхээ зургыг тавьж болдоггүй муу

      Хариулах

    • Зочин

      (1.75.236.90) 2016-11-25 13:01
      • 0
      • 0

      Eldev urlagiin buteel,yanz buriin tsugluulga sain bish gedeg shuu.Manaihan yoson shidiin yum goy gyalgar baival avchraad l baidag.Ih yumnii hereg gert ogt hereggui gej ba lee shuu.

      Хариулах

    • Б.НЯМАА

      (202.131.229.138) 2016-11-22 11:12
      • 0
      • 0

      ДАЛАЙД ДУСАЛ НЭМЭР ГЭДЭГДЭЭ САЙХАН ЗҮЙЛИЙГ УНШИХ САЙХАН ШҮҮ.БАЯРЛАЛАА. ҮГ ОНОВЧТОЙ БАЙВАЛ СЭТГЭЛД ХҮРЭХ НЬ ИЛҮҮ ЮМ ДАА

      Хариулах

    • Зочин

      (103.229.123.50) 2016-11-08 06:32
      • 0
      • 0

      Урлагийн бүтээл муу энерги дагуулна гэж юу байхав дээ.

      Хариулах

    • Zochin

      (122.201.21.248) 2016-11-21 11:14
      • 0
      • 2

      Harin tiim. Uheltei ni holboogui, amid ahuidaa tuurvisan buteel biz dee.

      Хариулах