Зээлийн үнэлгээний Фитч Рэйтингс агентлаг ОХУ-ын зээлжих зэрэглэлийг "B" - ээc "C" рүү бууруулжээ. "C" зэрэглэл нь тухайн улс дефолт болох буюу гадаад өрөө төлөх боломжгүй болно гэдгийг Фитч агентлагаас онцолжээ.
Тус агентлагийн мэдээлснээр ОХУ-д тогтоосон хориг арга хэмжээнүүд нь тус улсын зах зээлд эмх замбараагүй байдал үүсгэж, зээлээ төлж чадах эсэхэд эргэлзээ төрүүлэх болжээ.
ОХУ Украин руу довтолсноос хойш 13 өдөр болж байна. Энэ хооронд Украинаас хөрш зэргэлдээ улс орнууд руу 2 сая орчим хүн дүрвэжээ.
ОХУ-ын зэвсэгт хүчнийхэн Украины нийслэл Киев, Сумы, Харьков, Мариуполь, Миколаев, Чернигов хотуудыг бүсэлж, эзлэх ажиллагаа явуулсаар байна.
Сүүлийн үеийн мэдээллээр ОХУ-ын Үндэсний Гвардийн цэргүүд Украины Запорожная АЦС-ыг бүрэн хяналтандаа авчээ.
Эх сурвалж: BBC
Содномцэрэнгийн Энхзаяа
mongolcom.mn
