50 саяыг унагах, эс унагахуйд логик хэрэгтэй

Twitter Print
2014 оны 02-р сар 07-нд 18:07 цагт
Мэдээний зураг,

http://www.youtube.com/watch?v=DcA_3sV8rWs

Шинийн хоёрны өдөр “Боловсрол” телевизээр азтай аав, хүү хоёр гарав. Цагаан сарын золгуут ид дундаа орж байсан ч цаг орой болсон учраас ихэнхи хүмүүс цэнхэр дэлгэцийнхээ өмнө тухлан суваг сольж байхад “50 саяын уналт” гарч таарлаа. Г.Даваасамбуу гэх алдартай дөч гаран насны эр, хүү Хадааны хамт хэдэн саяыг унагаах “тэмцэлд ханцуй шамлан” зоримог  орж байнаа. “Бага нуур” хувьцаат компанид инженер Даваасамбуу уншдаг, элдэв төрлийн юм нилээд сонирхдог нь илт.

Эхний асуултад дөрвөн улсын төрийн тэргүүн нарын нэрийг оноож “Эдгээр удирдагчдаас хэн нь Монголд ирж байгаагүй вэ?” гэсэн асуулт таарчихав. 5О сая төгрөгөөс хоёрыг нь Ким Ир Сен нэртэй нүдэнд тавьж, бусдыг нь АНУ-ын Ерөнхийлөгч асан Билл Клинтон дээр тавьчихлаа. Азтай шүү, ийм асуулт таарна гэдэг, юм мэддэг хүний хувьд. Харин энэ үед өөртөө эргэлзэлгүй зоригтой шийдвэр гаргах чухал байгаа нь эндээс харагдаж байв.

Үндэсний телевизийн Г. Золжаргал (МУСГЗ) уг нэвтрүүлэгт хэдэн дугаарын өмнө орж харагдсан. Тэгэхдээ нэгэнт өөрийгөө сорьж байгаагийнх алдвал алдаад, оновол оноод зоригтой байх хэрэгтэй гэж хэлж байсан. Гэвч мань хүн нэг талаас  бас “хэт зоригтой” байсан л даа. Харин Даваасамбууд таарсан асуулт жаахан юм уншдаг хүний хувьд яах аргагүй азны асуулт. Дараа нь Монгол улс үндэсний мөнгөн тэмдэгтийг анх хэдэн онд гүйлгээнд гаргаж байсан бэ? гэх асуулт ёстой жинхэнэ логик сэтгэлгээ шаардсан. Гэтэл хөтлөгч Г. Энхбаяр хажуунаас нь “шпи” хичнээн хэлж өгөөд дийлээгүй, нийт 17 саяыг нь аав, хүү хоёр нилээн эргэлзэж байгаад хоёр хажуугийн нүдэн дээр тавьж туусан.

Мэдээж Богд хаант хуучин засгийн дараа үеэс гэхээр 1925 он байх нь тодорхой байтал эргэлзсэн нь харамсмаар том алдаа байлгүй яахав. Гэвч 31 саятай үлдсэн мань хоёр хэдэн аймгийн төвүүдийн дундуур гол урсдаг эсэх тухай асуултыг амжилттай давахад үзэгч олон илт сонирхоод ирсэн. Тухайн үед цэнхэр дэлгэцийнхээ өмнө суусан хүн бүр аав хүү хоёрыг дэмжиж байсан нь гарцаагүй.

Дараагийн асуултанд “Найралт төв”, ”Тэнгэрийг тэтгэгч”, “Энх Амгалан” гэх мэт Манжын хаадын нэр ороод ирсэн нь харин ёстой мэдлэг шаардсан даваа болов. Энэ давааг 27 сая төгрөгтэйгөөр амжилттай давж чадсан аав, хүү хоёр дараагийн шатанд мөн л логиктой сэтгэж чадаагүйн улмаас найман сая төгрөгөө алдсан. Дараа нь мөн “Зүрхин өвөг" гэж таны хэд дэх үе вэ? гэсэн асуултад дахиад логик сэтгэлгээ дутаж 9 саяыг алдах мэтээр аав хүү хоёр “унаж, боссоор” . Огт мэдэхгүй хүмүүст бол энэ асуулт яах аргагүй хүнд, харин логик дараалалтай бодвол "зүрхин өвөг" гэдэг үг есөн үе дундаа яг гол хэсэгт нь байж таарна. Монголчууд аливаа зүйлийн үндсэнд ямагт "голт зүрх" гэх мэт илэрхийлэл өгдөг учраас "зүрхин өвөг" нь есөн үеийн хүмүүсийн дээд доод хоёр үеийг холбож байгаа үндсэн үе болно.

Ингээд зургаа дахь үе хүрэхэд аав хүү хоёр тавин сая төгрөгийг унагаахгүй авч үлдэх боломжтой байсан. Яагаад гэвэл та хариултыг доорхи бичлэгээс үзээд авч болно. Аав хүү хоёрыг үнэнхүү сэтгэлээс дэмжиж байсандаа ийн өгүүлж байгаа юм шүү. Сүүлийн хоёр асуултанд ч тэр, их бодоход дөрөв, таван сая төгрөг алдаад ч “50 саяын уналт” шоуны түүхэнд гарч байгаагүй амжилт үзүүлэх боломж байлаа.

Монголын үндэсний Боловсрол суваг телевиз уг шоу нэвтрүүлгийг  олон улсын  «The Million Pound Drop» шоу нэвтрүүлгээс зохиогчийн эрхээр нь худалдан аваад хоёр жилийн нүүр үзэж байна. Өнгөрсөн хугацаанд таван саяыг хожсон нэг тохиолдол, мөн нэг гэр бүлийн ээж хүү, аав охин ороод тус тусдаа хоёр сая төгрөг авч үлдсэн хожил таарч байжээ.

ОХУ-ын төв телевизээр уг шоу бас гарах болсон. “Шоу десять миллионов” гэх нэртэй энэ нэвтрүүлгийг Алла Пугачевагийн нөхөр Максим Галкин хөтөлдөг.

2010 оны есдүгээр сараас “Россия” телевизийн дэлгэцээр гарч эхэлсэн энэ нэвтрүүлгийн хожлын мөнгө 10 сая рубль буюу манай төгрөгөөр 500 сая. “50 саяын уналт”-аас арав дахин их хожил гэсэн үг. Гэвч оросууд юм их уншдаг ч гэсэн энэ мөнгийг хожно гэж байхгүй, бас л логик сэтгэлгээ дутна.

Харин Их Британийн «The Million Pound Drop» (“Саяын уналт”) нэвтрүүлгээс хамгийн том хожил  300 000 паундыг   Луи болон Дум гэх хоёр эр 2012 оны аравдугаар сарын 4-нд хожиж байсан байна. Мөн эхний асуултанд шууд бүдэрч 1,000,000 паунд, хамгийн сүүлийн асуултанд буруутаж, 525 мянган паунд алдаж байсан сонирхолтой тохиолдлууд байдаг аж.

“Нэг саяын уналт” шоунд  25 мянган паундаар багласан  40 боодол мөнгө байдаг учраас манайх шиг олон жижиг хэсэг мөнгийг тарааж тавих сайхан арга бараг байхгүй, алдвал харамсалтайгаар ёстой "өм цөм" алддаг байна. Гэхдээ шоу эхэлсэн цагаас өнгөрсөн хугацаанд 70 шахам хүн хожил аваад байгаа бөгөөд хамгийн багадаа 25 мянган паунд хожиж байсан баримт бий. Нэвтрүүлгийн дүрэм нь хаа ч адил, нийт найман асуултад хариулдаг энэ шоу харин Америкт бол долоон асуултад хариулдаг, эхний гурван асуултад 60 секунд боддог, дараагийн хоёр асуултад 75, зургаа дахь  асуулт 90 секунд, сүүлийнх нь хязгааргүй байх дүрэмтэйн дээр хоёр удаа бусдаас тусламж авах эрхтэйгээр зогсохгүй багийн нэг гишүүнээ сольж, нэмэлт 30 секунд бодох эрх авдаг гэх мэт хөнгөлөлт ихтэй гэсэн шүү. Хүн бүхний сонирхол татах болсон уг шоунд рекламддаг мөнгөн дэвсгэртүүд харин америк доллароор бол 12 килограмм жин татдаг гэж байгаа, гэхдээ жинхэнэ дэвсгэрт үү? үгүй юу гэдгийг өнөө хэр шалгаж үзээгүй байна.

Эцэст нь энэ сайхан шоу нэвтрүүлэгт оролцож байгаа хүмүүсийн “захыг мушгиж” дэмждэг учраас аливаад логик эргэцүүлэл хэрэгтэй шүү гэж захимаар санагдсандаа эл өгүүлэлийг бичлээ. Логик сэтгэлгээ, эргэцүүлэл бидний амьдралд ч мөн алхам тутамд хэрэгтэй байдгийг та бүхэн үл андах буйзаа.

Р. Этүгэн

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (103.26.194.54) 2014-02-08 18:03
      • 0
      • 0

      Yooyo urdaas ni bur nervteed shiree tonshchihson suuj baina sh dee. He he

      Хариулах

    • Зочин

      (103.26.194.60) 2014-02-08 17:51
      • 0
      • 0

      Zurhin ovgiig text unshaad 5 dahi uye l yum baih geed shuud oilgochihson chini bish baina sh dee. Yag ter heseg deer neleen sandalrlaa. Harin bur setguulch tolgoi erguuleed duustal ni uzuulchih yum baina l daa.

      Хариулах

    • Зочин

      (103.26.194.39) 2014-02-08 17:48
      • 0
      • 0

      Goe nevtruuleg bainaa. Hoyor oroltsogch mundag oroltsloo. Zurhen uye gej bi lav sonsoogui yum baina. Medehgui zuilee medej avlaa.

      Хариулах