Blue Origin компани 7-р сард хийх сансрын аялалдаа жуулчин бүртгэж эхэллээ

Twitter Print
2021 оны 05-р сар 06-нд 11:23 цагт
Мэдээний зураг,

Америкийн тэрбумтан Жефф Безосын үүсгэн байгуулсан Blue Origin компанийн New Shepard сансрын хөлөг онгоц ирэх 7-р сарын 20-нд жуулчидтай сансрын аяллаа хийхээр төлөвлөжээ.

Blue Origin компани энэ лхагва гарагаас эхлэн сансрын аяллынхаа тасалбарыг борлуулж эхэлсэн ч эх сурвалжуудын мэдээлж байгаагаар дээрх аялалд багтах жуулчдын дийлэнх нь Blue Origin компанийн ажилчид байх гэнэ.

New Shepard сансрын хөлөг онгоц нь 6 хүний багтаамжтай бөгөөд дэлхийн гадаргуугаас дээш 100 хүртэлх километрт хөөрөх чадалтай аж.

Уг хөлөг онгоцны аялалд багтсан жуулчид 3 орчим минут жингүйдэж, сансрын түнэр харанхуй болон эх дэлхийг сансраас харах боломжтой юм.

Хөлөг онгоц 6 цонхтой ба цонхнууд нь Боинг-747 зорчигч тээврийн онгоцныхоос 3 дахин том аж. Сансрын аяллын тасалбарын үнэ 200 мянган ам. долларт хүрэх төлөвтэй байгаа ч ирээдүйд үнэ нь буурна гэдгийг Blue Origin компанийн зүгээс мэдэгджээ. Жефф Безосын Blue Origin компанийн гол өрсөлдөгч нь Илон Маскийн SpaceX корпораци юм.

SpaceX нь Америкийн сансар судлалын төв NASA-гаас зарласан сар луу сансрын нисгэгчид илгээх хөтөлбөрийн тендерт ялсан билээ. Нөгөө талаас Virgin Galactic компани 2022 оноос эхлэн сансрын аялалдаа жуулчин хүлээж авч эхлэхээ мэдэгдсэн ба тус компанийн сансрын аяллын тасалбар 250 мянга гаруй ам. доллар байх аж.

Өмнө нь сансарт аялах хүсэлтэй иргэд Оросын Роскосмостой хийсэн гэрээ хийж, Олон Улсын сансрын станцад очдог байсан ч Роскосмос 2009 оноос хойш сансрын аялал хийхээ больсон билээ.

Эх сурвалж: https://www.interfax.ru/world

Орчуулсан: Содномцэрэнгийн Энхзаяа

mongolcom.mn

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.