2016 оны 05-р сар 24-нд 11:26 цагт

American Idol шоуны бүх цаг үеийн хамгийн шилдэгүүд - Quentin Alexander – I Put a Spell On You

Арвантаван жилийн турш дэлхий нийтийн залуучуудыг байлдан дагуулж, зүрх сэтгэлийг эзэмдэж байсан American Idol буюу "Америкийн шүтээн" шоу сүүлийнхээ шалгаруулалтыг хийж, ялагчаа тодруулаад дахиж зохион байгуулагдахааргүй боллоо. Дөрөвдүгээр сарын эхээр 15-р улирлын ялагчаа тодруулсан энэхүү шоуны бүх цаг үеийн үзэгчдийн таашаалыг хүртсэн "хамгийн, хамгийн" гэх тодотголтой 40 үзүүлбэрийг үзэгчдийн саналыг үндэслэн жагсаажээ. 

Шоуны амин сүнс болж байсан санаачлагчид шүүгчид болох алдарт шоу менежер Simon Cowell болон дуучин Paula Abdul нар 9-р шалгаруулалтын дараа шоуг орхисон нь үзэгчдийн болон шоуны шүтэн бишрэгчдийн тоог огцом буурахад нөлөөлсөн гэж судлаачид үздэг. Гэсэн ч шоу олон олон шинэ залуу уран бүтээлчдийг нэр алдрын оргилд хүргэсэн гэдэгтэй хэн ч маргахгүй. 

Энд Adam Lambert, Kelly Clarkson, David Cook, Allison Iraheta, Fantasia, Taylor Hicks, Chris Daughter, хамгийн сүүлийн улирлын финалд үлдсэн Trent Harmon, La'Porsha Renae, Dalton Rapattoni нарыг нэрлэхэд л хангалттай. Ингээд үзэгчдийн сэтгэлд "хамгийн, хамгийн" болж үлдсэн 40 оролцогчийн үзүүлбэрийг сүүлээс нь цувралаар та бүхэнд хүргэж байна.

29. Quentin Alexander – “I Put a Spell On You” (Season 14)

Парашютын далбаагаар өмд хийж өмсөөд элдэв сонин гаж ээмэг зүүлт хүний санаанд оромгүй газраа чимэг болгон зүүж, үслэг эдлэлээр гоёсон энэ залуу эхнээсээ л зураглаачдын онилох дуртай супер "бай" байсан. Мэдрэмж, урин тачаангуйн дээд хэлбэр гэгддэг энэхүү гайхалтай дууг жүжиглэл, дотоод сэтгэлийн хөдлөл ихтэй дуулснаараа шоуг жинхэнэ утгаар нь театр болгон хувиргасан гэхэд болно. 

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.