“Facebook”-ийн гар утсаар дамжуулсан сурталчилгааны ашиг найм дахин нэмэгджээ

Twitter Print
2014 оны 01-р сар 30-нд 13:30 цагт
Мэдээний зураг,

Өнгөрсөн улиралд нийгмийн сүлжээний “Facebook” компанийн гар утсаар дамжуулсан сурталчилгааны борлуулалт компьютерийнхээс давж гарснаар улирлын орлого нь шинжээчдийн таамгаас давсан байна.

Тодруулбал, 2013 оны дөрөвдүгээр улирлын орлого нь 63 хувиар өсч, 2.59 тэрбум ам.доллар болсон нь шинжээчдийн таамгаас 240 сая ам.доллараар давсан үзүүлэлт боллоо. Мөн энэ нь тус компани анхдагч зах зээлд хувьцаагаа гаргаснаас хойших хамгийн өндөр үзүүлэлт нь болсон байна.

Харин өнгөрсөн улиралд гар утсаар дамжуулан хүргэсэн зар сурталчилгааны орлого нь 1.25 тэрбум ам.долларт хүрснээр нийт орлогод эзлэх хувь нь өнгөрсөн оны мөн үеэс дөрвөн хувиар өсч, 53 хувьд хүрчээ. Ингэснээр “Facebook”-ийн 2013 оны орлого 2012 оныхоос 54.6 хувиар өсч, 7.87 тэрбум ам.доллар болж байгаа аж.

Тэгвэл 2013 оны дөрөвдүгээр улиралд тус компанийн цэвэр ашиг өнгөрсөн оны мөн үеэс 83 хувиар өсч, 780 сая ам.долларт хүрсэн байна. Түүнчлэн өнгөрсөн онд 64 сая ам.доллараар хэмжигдэж байсан гар утсаар дамжуулан хүргэсэн зар сурталчилгааны ашиг нь найм дахин нэмэгдэж 523 сая ам.доллар болжээ. Харин өнгөрсөн 12 дугаар сарын байдлаар “Facebook”-ийн сар бүрийн идэвхитэй хэрэглэгчийн тоо 16 хувиар өсч, 1.23 тэрбум болсны 945 сая нь тус нийтийн сүлжээг гар утсаараа дамжуулан ашигладаг хэрэглэгчид байжээ. 

Д.Энхнаран

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.