Сирид Улаан Загалмайн ажилтнуудыг барьцаалжээ

Twitter Print
2013 оны 10-р сар 17-нд 15:44 цагт
Мэдээний зураг,

Сирид Улаан Загалмайн ажилтнуудыг барьцаалжээ. ОУ-ын Улаан загалмайн хороо Сирид ажиллаж байсан 6 ажилтан болон 1 сайн дурын ажилтныг зэвсэгтэй этгээдүүд барьцаалсан хэмээн мэдэгдсэн байна.

Олон улсын Улаан загалмайн хороо Сири дэр шархадсан иргэдэд эмнэлгийн тусламж үзүүлэхээр ихээхэн хүчин чармайлт гарган ажиллаж байгаа юм. Тус хороо барьцаалагчдад хандан, “Манай 7 ажилтныг нэн даруй суллана уу. Тэд ядрахыг мэдэлгүйгээр, хамгийн их тусламж хэрэгтэй иргэдийн төлөө ажилладаг. Харин тэднийг барьцаалснаар бидний тусламжийг авах ёстой иргэд илүүтэй хохирч байна” гэсэн уриалга гаргажээ.

Харин барьцаалагдсан иргэдийн тухайд нэр, хүйс, ажил мэргэжлийн талаарх дэлгэрэнгүй мэдээллийг өгөөгүй байна. Зарим мэдээлэлд Сири иргэд гэж байгаа бол зарим нь гадны мэргэжилтнүүд, эмч нар гэхээс өөр зүйл хэлээгүй байна.

Б.Эрдэнэчимэг

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.