JUMPBALL: “Улаанбаатар ММС Энержи” тивийнхээ нүүрийг тахлан дэлхийн гранприд түрүүллээ

Twitter Print
2019 оны 10-р сар 12-нд 18:27 цагт
Мэдээний зураг,

Азийн шилдэг баг “Улаанбаатар ММС Энержи” тивийнхээ нүүрийг тахлан дэлхийн гранприд түрүүллээ. Гоёмсог тоглолтгүй ч, багтаа тохирсон зөв стратегитэй тоглодог тэд БНСУ болон бусад Азийн багуудад азиуд дэлхийн өндөр зэрэглэлд амжилт үзүүлэх боломжтойг харуулж өгсөн юм.

Энэхүү баг нь 2017 оноос хойш 3х3 Монголын Үндэсний шигшээ багийг төлөөлөн ирсэн бөгөөд өнгөрсөн хугацаанд Азийн аварга шалгаруулах тэмцээнд гурван удаа орж, 1 аварга, 2 дэд аварга авсан. Үүгээр зогсохгүй ази тивээс анх удаа ДАШТ-ий шилдэг наймд үлдсэн амжилтыг 2018 онд үзүүлж ДЭЛХИЙН өндөр зэрэглэлд сагс тоглож чадна гэдэгээ баталж байсан юм.

УБ ММС ЭНЕРЖИ баг нь гоёмсог тоглолтыг бараг үзүүлдэггүй бөгөөд хар үгээр бол бүдүүн баргийн гэж хэлмээр тоглолтын стильтэй мэт Солонгосын сэтгүүлч надад харагддаг. Бусдаас онцгойрон харагдах бөмбөг эзэмшилтгүй, 2 метрээс дээш өндөртэй,  хүчтэй тоглогч ч гэсэн энэ багт байхгүй. Яг харьцуулбал,  манай солонгос тоглогчид тэднээс илүү ур чадвартай гэж би хэлнэ.

Гэхдээ тэд өөрсдийнхөө бололцоог зөв дүгнэж, тохирсон тоглолтын арга барилыг сонгож чаддаг. Үүнийгээ ч нотлон Жэжүгийн ДЭЛХИЙН гранприд түрүүллээ. Чингис хааны үр сад болсон эдгээр залуус бүгд 20 гаруй настай. (27-29) Багийн тоглогч Дэлгэрням техникийн инженер, Цэнгүүнбаяр банкны ажилтан, Цэрэнбаатар цахилгааны инженер, Дөлгөөн мөн банкны ажилтанаас 2017 оны Азийн аварга авч , тэдний мэргэжлийн төвшинд тоглох гараа тавигдсан юм.

ДЭЛХИЙН ГРАНПРИ-гийн MVP Дэлгэрням хэлэхдээ "Бид газар нутаг томтой ч хүн ам маш цөөхөн учраас мэргэжлийн тоглогчид төрж гарахад их хэцүү. Гэхдээ манай багийнхан бол багаасаа нэг нэгнийгээ мэддэг байсан. Ингээд 2017 оноос азийн аварга болон мэргэжлийн тэмцээнүүдэд орж эхлэн бүгд хувийн ажлуудаасаа хөндийрч мэргэжлийн тамирчин болох замнал тавигдаж эхэлсэн" гэжээ.

3х3 сагсан бөмбөгийг сонгон, хувийн ажлуудаа орхисон тэднийг Монголын ММС ENERGY RESOURCE компани дэмждэг юм байна. Тэр ч үүднээсээ өмнө нь дөрвөн тоглогч нэг дасгалжуулагчийн хамт л дэлхийг тойрдог байсан энэ баг тэмцээн бүрт зургаа, долоон хүний бүрэлдэхүүнтэй ирдэг болсон харагдаж байгаа юм. Багийн спортод дасгалжуулагч арын албагүйгээр амжилт гаргана гэдэг маш хэцүүг бид мэднэ. Багийн ахлагч Дэлгэрням мөн хэлэхдээ "Азийн багууд европд өндөр амжилт үзүүлье гэвэл БИЕИЙН хүчний тоглолтоо илүү сайжруулж тэдэнтэй өрсөлдөх хэмжээнд очих хэрэгтэй" гэж хэлсэн юм.

Эх сурвалж:  Солонгосын спорт мэдээний JUMPBALL агент

Орчуулсан. Ө.Мөнхчулуун

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.