Жэюг бугим буюу амталж шарсан гахайн мах хийх арга

Twitter Print
2017 оны 09-р сар 09-нд 10:30 цагт
Мэдээний зураг,

Солонгос хоолонд дуртай л биз дээ. Гэрийн аргаар дуртай бүхий л хоолоо хийж сураарай. Мөнгөнд мөн эрүүл мэндэд ч хэрэгтэй шүү дээ. Ингээд дараах танд жорыг хүргэе!

Доорх материалыг 2-3 хүний порцоор тооцож бэлтгэсэн.

Орц:

Гахайн мах 600 – 800 гр

Улаан, ногоон халуун чинжүү тус бүр 1 ш

Бөөрөнхий цагаан сонгино 1 ш

Ногоон сонгино нэг жижиг багц

Нухаж бэлтгэсэн сармис 3 – 4 хумс

Алим ¼ ширхэг

Элсэн чихэр 2 хоолны халбага

Амтлагч: давс амталж үзээд хүссэн хэмжээгээр хийнэ.

Хар перец ¼ хоолны халбага

Гучужан 5 хоолны халбага

Гучугару 1 хоолны халбага

Цуу 1 хоолны халбага

Гүнжидийн тос /чангирим/ ½ хоолны халбага

Цагаан архи 1 хоолны халбага

Хийх аргачлал

Гахайн махаа нимгэн хавтгай хэрчинэ. Хавтгай хэрчсэн махан дээрээ 1 х/х архиа нэмнэ. Энэ нь махыг зөөлрүүлж өгдөг. Мөн давс, перецээ нэмж өгнө. Эдгээр орцоо сайтар хольж 10 минут амраана. Бөөрөнхий болон ногоон сонгино, улаан ногоон чинжүүгээ урт нарийхан хэрчиж бэлтгэнэ. Урьдчилж бэлтгэсэн алимаа нухна.

Саванд махаа хийж дээрээс нь алимны нухаш, бөөрөнхий сонгино, цуу, гучужан, гучугару, сармис, элсэн чихэр, гүнжидийн тосоо нэмээд сайтар базаж, хольж өгнө.

Үүний дараа саваа таглаад хөргөгчинд 2-3 цаг хадгална. Ингэснээр маханд амт нь сайн шингэдэг.

Хөргөгчнөөс 2-3 цагийн дараа гаргаж сайтар халаасан хайруулын тавганд хуурна. Мах бүрэн болохын өмнө улаан, ногоон чинжүү, ногоон сонгиноо нэмээрэй. Мөн бага зэрэг ус хийнэ. Сайхан хооллоорой.

www.mongolcom.mn

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.