Дэлхийн агаарын тээврийн шилдэгүүд

Twitter Print
2014 оны 01-р сар 13-нд 17:47 цагт
Мэдээний зураг,

АНУ-ын CNN корпораци дэлхийн агаарын тээврийн компаниудын үйлчилгээний чанарыг үнэлдэг “Airline Ratings” шинэ жагсаалт гаргасан байна. Уг жагсаалтад 448 компани хамрагдсанаас дөнгөж 137 агаарын тээврийн компани дээд зэргийн үнэлгээ болох долоон од авч чаджээ. Чансаа тогтоох энэ жагсаалтын дагуу үнэлгээ өгөх явцад агаарын тээврийн байгууллагуудад хийсэн аудит шалгалт болон осол гэмтэл, үхлийн тухай статистик мэдээлэл, тэрчлэн агаарын замд үйлчилж байгаа хоолны чанар, амарч тухлах боломж нөхцөл, санал болгож байгаа бусад үйлчилгээний онцлог зэргийг харгалзан үзсэн байна. Ингээд энэ жагсаалтаар эхний аравт: Qantas, Air New Zealand, All Nippon Airways, Cathay Pacific Airways, Emirates, Etihad Airways, EVA Air, Royal Jordanian, Singapore Airlines, Virgin Atlantic агаарын тээврийн компаниуд тус тус орсон байна. Тэргүүн байр эзэлсэн Австралийн Qantas компани 1951 оноос хойш осол зөрчилгүй ажиллаж ирсэн байна. Харин олон улсын хэм хэмжээний шаардлага хангаагүй сүүл мушгисан Scat, Kam Air болон Surinamese Bluewing Airline компаниудыг Европын холбоонд нислэг үйлдэхийг хоригложээ. Жагсаалтын дарааллаар удаах байруудад орсон бусад компаниудын тухай мэдээллийг ”AirlineRating”-ийн албан ёсны цахим хуудаснаас харж болох аж. Р.Этүгэн 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.