Энэ онд бараг 3000 дүрвэгч амь эрсэджээ

Twitter Print
2015 оны 12-р сар 17-нд 08:35 цагт
Мэдээний зураг,

Энэ он гарснаас хойш Европт хүрэхийн тулд Газар дундын тэнгисийг гатлах явцдаа бараг 3000 дүрвэгч амь эрсэджээ.

Цагаачлалын асуудал хариуцсан олон улсын байгууллагын албан ёсны төлөөлөгч Жоел Миллмэний мэдэгдсэнээр, сүүлийн хэдэн долоо хоногт Эгийн тэнгист цагаачид болон дүрвэгчид амь эрсэдсэн тохиолдлуудын тоо эрс нэмэгдсэн байна.

Тэрбээр Женев хотноо мэдэгдэл хийхдээ, “Хамгийн сүүлд л гэхэд ням гарагт Туркийн усанд завь нь живснээр Сирийн 17 дүрвэгч, тэдний дотор, таван хүүхэд амиа алдсан” гэжээ.

Мөн өнгөрсөн оныхоос хоёр гаруй дахин олон буюу 522134 хүн энэ он гарснаас хойш Газар дундын тэнгисээр дамжин Европт очсон байна.

Дүрвэгсдийн олонх нь дөрвөн жил үргэлжилж буй иргэний дайнаас дайжсан Сирийн иргэд аж.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.