Өргөст хэмх дарах хамгийн шилдэг арга

Twitter Print
2018 оны 09-р сар 03-нд 12:00 цагт
Мэдээний зураг,

Намар боллоо. Ажилч, хичээнгүй эзэгтэй нар маань шинэхэн ногоогоо базаан, өвлийн эрүүл хүнс, нөөшөө бэлтгэх ажилдаа хэзээний орсон байгаа.

Энэ удаа бид эзэгтэй нартаа зориулж хамгийн түгээмэл хэрэглэгддэг өргөст хэмхийг гэрийн нөхцөлд хэрхэн амттай, сайхан дарж нөөшлөх аргыг хүргэж байна.

Орц:

-Өргөст хэмх – 2 кг

-Ус – 2 л

-Сахар – 60 гр

-Давс – 60 гр

-Уксус – 70% – ын 20 гр

Нэг шилэнд:

-Сонгино - 1 цагираг

-Сармис - 1 хумс

-Гоньд - 3 гр

-Хар үрлэн перец - 3 ш

-Лаврын навч - 1 ш байхаар тооцоолно.

Хийх арга:

1.Өргөст хэмхээ задгай талбайд ургасан, жигд ногоон өнгөтэй, хатуу биетэй 8 -12 см урттай 4–6 см өргөн хэмжээтэйг сонговол зохимжтой.

2.Өргөст хэмхээ хүйтэн усанд 3- 6 цаг дэвтээнэ.

3.Ишийг нь тайрч авна.

4.Зөөлөн үстэй сойзоор ишний хэсэг болон их биеийг нь угаана.

5.Шил, таглааг жигнүүр дээр 5 минут ариутгана.

6.Орох амтлагч тус бүрийг хэрчиж бэлтгэнэ.

7.Шилэндээ орцын дагуу амтлагчаа хийнэ.

8.Амтлагчтай шилэнд өргөст хэмхээ дүүртэл савлана.

9.Ус буцалгагчинд усаа хийнэ

10.Уусмалаа орцын дагуу найруулна.

11.Уусмалаа шилний амсраас 1см хүртэлх зайтай хэмжээнд дүүргэнэ.

12.Таглаагаа гараар таглана.

13.Өргөст хэмхээ жигнүүр дээр тавьж, 20 минут ариутгана. 0.7л шилтэйг нь 15 минут, 1л шилтэйг 20 минут жигнэж ариутгана.

14.Ариутгалын дараа гаргаад суларсан таглааг гүйцээж чангална.

15.Доош харуулж хөргөөнө.

Нэмэлт амтлагч:

-Хэрэв та халуун ногоотойг идэх сонирхолтой бол халуун чинжүүг хэрчээд хийж болно.

-Лооль, амтат чинжүү гээд өөрийн сонирхолдоо нийцүүлэн баяжуулан хийж болно.

www.mongolcom.mn

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (124.158.125.10) 2016-10-18 17:26
      • 0
      • 1

      axiad xvren manjin darax oor darj bolox nogoonuudiig zowloj ogoo ch texvv

      Хариулах

    • Зочин

      (172.78.182.215) 2016-07-25 14:30
      • 0
      • 1

      Ус буцалгагчид усаа хийнэ гэхээр уусмалд хэрэглэх 2 л усаа буцалгана гэсэн уг юм уу тэ. Дахиад жаахан тайлбарлаж огно уу. ? Баярлалаа

      Хариулах